އެ ފަދަ މައްސަލަ އެއް ހުށަހަޅާފައި މި ވަނީ މި އިސްލާހާއި ގުޅިގެން އާއްމުންނާއި، މެމްބަރުން އަދި ޤާނޫނީ ބޭފުޅުން ވެސް ވަރަށް ބޮޑަށް ކަންބޮޑުވުން ފާޅުކުރައްވަމުންދާ ދަނޑިވަޅެއްގައި
މަޖިލީހުގެ ޖަލްސާގެ ތެރެއިން
ދިވެހި ޖުމްހޫރިއްޔާގެ ގާނޫނުއަސާސީއާ ހިލާފަށް، އެ ގާނޫނުއަސާސީއަށް ގެނެވުނު 6 ވަނަ އިސްހާލު ބާތިލުކުރުމަށް އެދި ދިވެހިރާއްޖޭގެ ސުޕްރީމް ކޯޓަށް ހުށަހެޅިފައިވާ ދުސްތޫރީ މައްސަލައަށް ދަ ޑިމޮކްރެޓްސް އިން ތަދައްހުލުވާން ނިންމައިފިއެވެ.
ރައްޔިތުންގެ މަޖިލީހުގެ މެންބަރުން ފްލޯކްރޮސްކުރުމުން ނުވަތަ ޕާޓީން ވަކިކުރުމުން ވެސް މެންބަރުކަން ގެއްލޭ ގޮތަށް ގާނޫނުއަސާސީ އަށް ނިމިދިޔަ ހަފްތާގެ ތެރޭގއި ގެނެސްފައިވާ އިސްލާހު ބާތިލުކުރަން ސުޕްރީމް ކޯޓަށް މައްސަލަ ހުށަހެޅުހެޅުއްވީ ރައްޔިތުންގެ މަޖިލީހުގެ ކެންދޫ ދާއިރާގެ ކުރީގެ މެންބަރު، ގާނޫނީ ވަކީލު އަލީ ހުސައިނެވެ. އެ ފަދަ މައްސަލަ އެއް ހުށަހަޅާފައި މި ވަނީ މި އިސްލާހާއި ގުޅިގެން އާއްމުންނާއި، މެމްބަރުން އަދި ޤާނޫނީ ބޭފުޅުން ވެސް ވަރަށް ބޮޑަށް ކަންބޮޑުވުން ފާޅުކުރައްވަމުންދާ ދަނޑިވަޅެއްގައެވެ. ބުދަ ދުވަހު މަޖިލީހުން ފާސް ކުރި މި ބިލު، ރައީސުލްޖުމްހޫރިއްޔާ ބުދަ ދުވަހު ތަޞްދީޤުކުރައްވާ މިހާރު ވަނީ ދިވެހިސަރުކާރުގެ ގެޒެޓުގައި ޝާއިޢުކޮށް އަމަލު ކުރަން ފަށާފައެވެ.
އެ މައްސަލަ އަށް ތަދައްހުލުވާކަން ހާމަކޮށް އެ ޕާޓީން ނެރުނު ބަޔާނެއްގައި ބުނީ އެންޓި-ޑިފެކްޝަން ނުވަތަ ރައްޔިތުންގެ މަޖިލީހުގެ މެމްބަރަކު ޕާޓީ ބަދަލުކުރުމުން އެ މެމްބަރެއްގެ ގޮނޑި ގެއްލުމަކީ އުސޫލީ ގޮތުން މި ޕާޓީއިން ތާއީދުކުރާ ކަމެއްކަމުގައި ވީ ނަމަވެސް، ސަރުކާރުގެ ފަރާތުން ރައްޔިތުންގެ މަޖިލީހަށް ހުށަހަޅައި، އެންމެ 4 ގަނޑިއެއްހާއިރުގެ ވަގުތުގެ ތެރޭގައި އަވަސް އަރުވާލައިގެން ފާސްކުރެވުނު ގާނޫނު ނަންބަރު 2024/25 (ދިވެހި ޖުމްހޫރިއްޔާގެ ގާނޫނުއަސާސީއަށް 6 ވަނަ އިސްލާހު ގެނައުމުގެ ގާނޫނު) އަކީ ރައްޔިތުންގެ މަޖިލީހުގެ ބާރާއި ބޭނުން ކަނޑުވާލުން ކަމަށެވެ. އަދި އެއީ ގާނޫނުއަސާސީގެ ކިތަންމެ ތަސައްވުރަކާ ދެކޮޅަށް އޮތް އަދި ވަކިން ހާއްސަކޮށް ގާނޫނުއަސާސީގެ އަސާސީ ސިފަތަކާއި އޮނިގަނޑު ބަދަލުގެނުވާ ބޭސިކް ސްޓްރަކްޗަރ ޑޮކްޓްރިންއާ ހިލާފު ގާނޫނުނެއް ކަމަށް ޑިމޮކްރެޓްސް އިން ވަނީ ބުނެފައެވެ. އެހެންކަމުން އެ ގާނޫނު ބާތިލުކުރުމަށް އެދި ޢަލީ ޙުސައިން ދިވެހިރާއްޖޭގެ ސުޕްރީމް ކޯޓަށް ހުށަހަޅުއްވާފައިވާ ދުސްތޫރީ މައްސަލައަށް ދަ ޑިމޮކްރެޓްސް އިން ތަދައްހުލުވުމަށް ނިންމާފައިވާ ކަމަށް އެ ޕާޓީން ވަނީ ބުނެފައެވެ.
ޑިމޮކްރެޓްސް އިން ވަނީ އެއީ ދިވެހިޖުމްހޫރިއްޔާގެ ގާނޫނުއަސާސީއާ ހިލާފަށް، އެ ގާނޫނުއަސާސީއަށް ގެނެވުނު އިސްލާހެއްކަމަށް އެ ޕާޓީން ގަބޫލުކުރާ މައިގަނޑު ސަބަބުތައް ހާމަކޮށްފައެވެ. އޭގެ ތެރޭގައި ހިމެނެނީ
މި ތިން ސަބަބާއި އަދި މީގެ އިތުރުން މިހާރު އިންތިހާބުކުރެވި ހިނގަމުންދާ ރައްޔިތުންގެ މަޖިލީހުގެ ދައުރަށް މެމްބަރުން އިންތިހާބުކުރެވުނު އިރު ސިޔާސީ ޕާޓީއަކަށް ފެނިއްޖެ ހާލަތުގައި އެ މެމްބަރުގެ ގޮނޑި ގެއްލުވާލުމަކީ ހުޅުވިފައި އޮތް ފުރުސަތަކަށް ނުވުމާއި އަދި މި އިސްލާހުގައިވެސް ހިނގަމުންދާ ދައުރުގެ މަޖިލިސް މެމްބަރުންނާ ގުޅޭ ސާފު ބަޔާންކުރުމެއް ނެތި އާންމު މާނަކުރުމަށް ޖާގަ ހުޅުވާލެވިފައިވުމާއި އަދި މިނޫންވެސް ގާނޫނުއަސާސީއާއި، ގާނޫނުއަސާސީގެ އަސާސީ ސިފަތަކާއި އޮނިގަނޑު ބަދަލު ގެނުވާ އަދި ފުށުއަރާ ކިތަންމެ ކަމެއް ފާހަގަކުރެވޭކަމުން، ދިވެހިރާއްޖޭގެ ސުޕްރީމް ކޯޓަށް މިކަމާއި ގުޅޭގޮތުން މިހާރު ހުށަހަޅުއްވާފައިވާ ދުސްތޫރީ މައްސަލައަށް ތަދައްހުލުވުމަށް ކުރަންޖެހޭ މަސައްކަތްތައް އެ ޕާޓީގެ ގާނޫނީ ވަކީލުން ކުރަމުންދާކަން ޑިމޮކްރެޓްސް އިން ވަނީ ފާހަގަކޮށްފައެވެ.
