2025 ވަނަ އަހަރުގެ ބަޖެޓުގައި ހުރީ ފުރިހަމަ ތަފްސީލުތައް ނުހިމަނާ ކަމަށާއި އޭގައި އޮތް އެއްޗެއް ރައީސް ޑރ މުހައްމަދު މުއިއްޒު އަށްވެސް ސާފުނުވާނެކަން ޔަގީން ވެވަޑައިގަންނަވާކަމަށް އާރްޑީސީގެ ކުރީގެ އެމްޑީ މޫސާ އަލީ މަނިކު ވިދާޅުވެއްޖެއެވެ.

އެމްޑީޕީގެ ހަރުގެ ޖަލްސާއެއްގައި ވާހަކަދައްކަވަމުން މޫކޭ ވިދާޅުވީ، 2025 ވަނަ އަހަރުގެ ބަޖެޓަށް ބަލާއިރު ފެނިގެންދަނީ ރައްޔިތުންގެ ބޭސް ފަރުވާގެ ކަންތައްތައް ސަލާންޖެހުމާއި ދިމާލަށް ގެންދާ މަންޒަރުކަމަށާއި މިހާރު އެކަމުގެ އެއްބައި ފުރިހަމަ ކޮށްފައިވާކަމަށެވެ. އެގޮތުން އަމިއްލަ އިންޝުއަރެންސް އަށް އިސްކަންދޭ ވާހަކައަކީ ދައުލަތުގެ އިންޝުއަރެންސް ނެތް ވާހަކަ ކަމަށާއި ސަރުކާރުން ހާމަކޮށްފައިވަނީ އެކަން ނިމިފައިވާ ވާހަކަ ކަމަށެވެ.

މޫކޭ ވިދާޅުވީ، ކުރިއަށް އޮތްތާނގައި ޖެހޭނީ މެމްބަރުންނާއި އެހެނިހެން އެފަދަ ފަރާތްތަކުގެ ކިބައިން ބޭސް ފަރުވާއަށް ސަލާން ޖަހަންކަމަށާއި ފެނުނީ މެމްބަރުންނަށް ވެސް އޮޅުވާލާފައިވާ ބަޖެޓެއްކަމަށެވެ. ރައީސް މުއިއްޒު މެމްބަރުންނަށް ފައިސާ ދޭކަމަށް ތުހުމަތުކުރައްވާ މޫކޭ ވިދާޅުވީ، އެކި ދާއިރާތަކުގެ މެމްބަރުންނަށް ދެނީވެސް އެކި އަދަދުތައްކަމަށް ށެއެވެ. އޭނާ ވިދާޅުވީ، ނައިފަރު ދާއިރާގެ މެމްބަރަށް އެއްލައްކަ ރުފިޔާ ދޭއިރު މަޑުއްވަރީ ދާއިރާގެ މެމްބަރަށް 50،000 ރުފިޔާ ދިނުމުން ކަމަކު ނުދާކަމަށާއި މެމްބަރުނަށް މި މިންގަނޑަށް އޮޅުވާލާފައިވާއިރު އެއީ ރައްޔިތުންގެ ހައްގުގައި ބަސްބުނަން ތިބި މީހުންކަމަށެވެ.

މޫކޭ ވިދާޅުވީ، އެ ފަރާތްތަކަށް ރައްޔިތުންގެ ފަރާތުން އެންމެ ބޮޑަށް ކަންބޮޑުވުންތައް އަންނާނީ މި ދުވަސްވަރުކަމަށާއި އެއީ ދައުލަތުގެ ބަޖެޓު އެކުލަވާލަމުންދިއުމާއި ގުޅިގެންކަމަށް އިޝާރާތްކުރެއްވިއެވެ. އެނާ ވިދާޅުވީ ބަޖެޓު ހަދަމުންދާއިރު ސަރުކާރުންވަނީ އެމްޑީޕީއިން މަޑުއްވަރީގައި ފެށި މަސައްކަތްތައް ހުއްޓުވާލާފައިކަމަށާއި މީދޫގައި ހުރި ޕްރޮޖެކްޓުތައްވެސް ގެއްލުވާލައިފައިވާކަމަށެވެ.

އޭނާ ވިދާޅުވީ، މީދޫ ހޮސްޕިޓަލާއި މަޑުއްވަރީގެ މަގުތައް ނެހެދޭ ސަބަބާއިމެދު ރައްޔިތުން ސުވާލުކުރަމުންދާކަމަށާއި ސަބަބު ނޭނގޭކަމަށް ދާއިރާގެ މެމްބަރު ވިދާޅުވާކަމަށެވެ. މޫކޭ ވިދާޅުވީ ބައްދަލުކުރާނެ މީހަކު ނުހުންނަކަމަށާއި އެއްވެސް ވުޒާރާއެއްގެ ވެރިޔަކުވެސް ބައްދަލުނުކުރާކަމަށެވެ. އޭނާ ވިދާޅުވީ، އެކަން ކުރެވެނީ ރައީސް އޮފީހުން ހުއްދަ ދިނުމުންކަމަށެވެ. އަދި މެމްބަރުންވެސް ޖެހެނީ އެކި ފަރާތްތަކާއި ބައްދަލުކުރަން ރައީސް އޮފީހުގައި އެދެންކަމަށާއި ބައްދަލުވުމަށް ފުރުސަތު ލިބިގެންދަނީ ރައީސް އޮފީހުން އެޕޮއިންޓުމެންޓު ހަމަޖެއްސުމުންކަމަށެވެ.

އޭނާ ވިދާޅުވީ، މެމްބަރުން ތިބީ އެ މިންގަނޑަށް ބާކީ ކޮށްފައިކަމަށާއި ރަށްތަކަށް އަދަދުތައް ހިމަނާފައިވަނީ ގަނޑުކޮށްކަމަށެވެ. އޭނާ ވިދާޅުވީ، ބަޖުޓުގައި ވާކަމެއް އަދި ނެތްކަމެއްވެސް ނެތްކަމަށާއި އެއްވެސް އެއްޗެއް ސާފުވެސް ނުވާކަމަށެވެ. މޫސާ ވިދާޅުވީ މީހަކަށް ސާފުވެސް ކޮށްދެވެން ނެތްކަމަށާއި ސާފުކޮށްދީގެންވެސް ވާނެ ސަރުކާރަށް ނެތްކަމަށާއި ބަޖެޓުގައި އޮތް އެއްޗެއް ރައީސް މުއިއްޒުއަށް ވެސް ސާފުނުވާނެކަން ޔަގީން ވެވަޑައިގަންނަވާ ކަމަށެވެ.