ހުޅުމާލެއަށް އަރާ ހައިވޭގައި އެކްސިޑެންޓެއް ހިނގައި ދެމީހަކަށް އަނިޔާވެއްޖެ
7 ސެޕްޓެމްބަރު 2024 | ހޮނިހިރު 16:45މި އެކްސިޑެންޓުގައި އަންހެނަކާ ފިރިހެނަކަށް އަނިޔާވެފައިވޭ
ހުޅުމާލޭގައި ހިނގި އެކްސިޓެންޓެއް - ފައިލް ފޮޓޯ
ހައިވޭ ވިލާ ޕެޓްރޯލް ޝެޑް ކައިރިން ނުރައްކާތެރި އެކްސިޑެންޓެއް ހިނގައި ދެމީހަކަށް އަނިޔާވެއްޖެއެވެ.
ހޮނިހިރު ދުވަހުގެ ރޭ ފުލުހުން ބުނީ ހުޅުމާލެ ހައިވޭ ކައިރި ވިލާ ޕެޓްރޯލް ޝެޑް ކައިރީގައި ދެ ސައިކަލެއް ޖެހި އެކްސިޑެންޓް ވެގެން ރިޕޯޓު ކޮށްފައިވާ ކަމަށެވެ.
މި އެކްސިޑެންޓުގައި އަންހެނަކާ ފިރިހެނަކަށް އަނިޔާވެފައިވާ ކަމަށެވެ. އަދި އެ ދެމީހުންނަށް ހުޅުމާލެ ހޮސްޕިޓަލްގައި ފަރުވާ ދެމުންދާ ކަމަށް ފުލުހުން ބުނެއެވެ.
އެ މީހުންނަށް ލިބިފައިވާ އަނިޔާގެ ތަފްސީލު ވަނީ ލިބޭ ގޮތް ނުވެފައެވެ.
މި އެކްސިޑެންޓް ފުލުހުން އިތުރަށް ތަހުގީގު ކުރަމުންދާއިރު، މާލެސިޓީގައި ޚާއްސަކޮށް ހުޅުމާލޭގައި ދަނީ ނުރައްކާތެރި އެކްސިޑެންޓްތައް ހިނގަމުންނެވެ. އެގޮތުން މިދިޔަ ހުކުރުވިލޭރޭ ދަންވަރު ހުޅުމާލޭގައި ހިނގި ނުރައްކާތެރި އެކްސިޑެންޓެއްގައި 23 އަހަރުގެ ޒުވާން ފިރިހެނެއް ވަނީ ނިޔާވެފައެވެ.
