ގިނަބައެއް އިންތިޒާރުކުރަމުން އަންނަ އުދަބާނީ 2 މި މަހުގެ 19 ގައި، ފުރަތަމަ ޓްރެއިލަރވެސް ދައްކާލައިފި

ގިނަބައެއް އިންތިޒާރުކުރަމުން އަންނަ ދިވެހި ފިލްމު އުދަބާނީ 2 މި މަހުގެ 19 ގައި ސިނަމާގައި ދައްކަން ނިންމައިިފިއެވެ.

އުދަބާނީގެ ކާމިޔާބީއަށްފަހު އުދަބަނީ 2 އާންމުންނާ ހަމައަށް ގެނެސްދިނުމަށް ކުރާ މަސައްކަތުގެ ތެރެއިން ފިލުމުގެ ފުރަތަމަ ޓްރެއިލަރވެސް ވަނީ ދައްކާލާފައެވެ.

2009 ވަނަ އަހަރު ގެނެސްދިން ކާމިޔާބު ފިލްމު "އުދަބާނި" އަށް ފަހު މި ފިލްމުގެ ދެ ވަނަ ބަޔަށް ގިނަ ބަޔަކު އިންތިޒާރުކުރަމުން އަންނަ އިރު ފިލްމުގެ ޓިކެޓް ވިއްކަން ފަށައިފިއެވެ.

މަގްބޫލް ގިނަ ތަރިންތަކެއް ފެނިގެންދާ މި ފިލްމު ބެލުންތެރިންނާއި ހަމައަށް ގެނެސްދިނުމަށް ވާންޖެހޭ ފަހުގެ ތައްޔާރީތަން ދަނީ ވަމުންނެވެ. ހާމިދު އަލީ ޕްރޮޑިއުސްކޮށް އަމްޖަދު ޑައިރެކްޓް ކުރާ މި ފިލްމަކީ އަސަރުގަދަ ލޯބީގެ ބިރުވެރި ވާހަކައަކަށް ތައްޔާރުކޮށްފައިވާ ފިލްމެކެވެ.

މި ފިލްމުން ފެނިގެންދާ ތަރިންގެ ތެރޭގައި އަހުމަދު އީސާ (އާނަންދު)، އާމިނަތު ސުހާ، އަލީ އާޒިމް (ދޮން އައްޔަ)، ނަތާޝާ، ޝަމީލް، މަރްޔަމް ހަލީމް، ޝަކީލާ ފަދަ ކުޅަދާނަ ފަންނާނުން ހިމެނެއެވެ.

އަމްޖޭ އެންމެ ފަހުން ގެނެސްދިން ފިލްމަކީ 2018 ގެ ބިރުވެރި ފިލްމު "ރޭވުމުން" އެވެ. އެހެންކަމުން އަމްޖަދުގެ ޑައިރެކްޝަން އެއް ފެނިގެން ދިއުމަށް އެދިގެން ތިބި ދިވެހިންނަށް ވެސް މިއީ ވަރަށް ރަނގަޅު ފުރުސަތަކަށް ވެގެންދާނެއެވެ.