ހުޅުމާލެ ފޭސް-1 ގައި ޒުވާނަކަށް ހަމަލާދީ ހިންގި މާރާމާރީއާ ގުޅިގެން އިތުރު މީހަކު ހައްޔަރުކޮށްފިއެވެ.

ޖުލައި 8 ވަނަ ދުވަހު ގްރޫޕަކުން ހަމަލާ ދީފައި ވަނީ މ. ރަތްމަންދޫއަށް ނިސްބަތްވާ އުމުރުން 26 އަހަރުގެ ނަޒީފަށެވެ. ހުޅުމާލޭގައި ހުންނަ އެސްޓީއޯ ފިހާރައެއްގައި މަސައްކަތް ކުރާ ނަޒީފަށް ހަމަލާދީފައިވަނީ ކީއްވެގެން ކަމެއް ނޭނގެއެވެ. މައުލޫމާތު ލިބިފައިވާ ގޮތުގައި ނަޒީފަށް ހަމަލާދީފައިވަނީ ސައިކަލު ޕާކު ކުރިތަނުންނެވެ.

މި މަރާމާރީގައި ނަޒީފުގެ ބޯ ފަޅާލާފައިވާއިރު، އޭނާއަށް ވަނީ ބޮޑެތި އަނިޔާތަކެއް ލިބިފައެވެ.

މިމައްސަލައާ ގުޅިގެން ފުލުހުން ބުނީ ހުޅުމާލެ ފޭސް-1 ގައި ޖުލައި 8 ވަނަ ދުވަހު ހިންގި މާރާމާރީއާ ގުޅިގެން 22 އަހަރުގެ ފިރިހެނަކު ހައްޔަރުކޮށްފައިވާ ކަމަށާއި، އޭނާ ހައްޔަރުކޮށްފައިވަނީ ކޯޓު އަމުރެއްގެ ދަށުން ކަމަށެވެ. އަދި އިތުރު މީހަކު އަންގާރަ ދުވަހުގެ ރޭގެ ވަގުތެއްގައި ހައްޔަރުކޮށްފައިވާ ކަމަށާއި، އެއީ 23 އަހަރުގެ ދިވެހި ފިރިހެނެއް ކަމަށް ފުލުހުން ބުނެއެވެ.

މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.