ލޯކަލް ކައުންސިލްތަކުގެ ބައި-އިލެކްޝަންގެ ވޯޓުލުން ފެށިގެން ކުރިއަށްދަނީ
މި އިންތިޚާބުތަކުގައި 13،112 މީހުންނަށް ވޯޓު ލުމުގެ ޙައްޤު ލިބިފައިވޭ
އީސީން ބޭއްވި ބައި އިލެކްޝަނެއްގެ ތެރެއިން
މިހާރު ކުރިއަށްދާ ލޯކަލް ކައުންސިލްތަކުގެ ބައި-އިލެކްޝަންގައި މިހާތަނަށް ވޯޓުލީ 7 އިންސައްތަ މީހުންކަމަށް އިލެކްޝަންސް ކޮމިޝަނުން ބުނެފިއެވެ.
ހޮނިހިރު ދުވަހު ބާއްވާ ބައި އިލެކްޝަންތަކުގެ ތެރޭގައި ފ. ބިލެތްދޫ ކައުންސިލްގެ ރައީސް، ކުޅުދުއްފުށި ސިޓީ ކައުންސިލްގެ ކުޅުދުއްފުށި އުތުރު ދާއިރާ މެންބަރު، މާލެ ސިޓީ ކައުންސިލްގެ ހުޅުމާލެ ދާއިރާ މެންބަރު، މާލެ ސިޓީ ކައުންސިލްގެ މައްޗަންގޮޅި މެދު ދާއިރާ މެންބަރު، މާލެ ސިޓީ ކައުންސިލްގެ ހެންވޭރު ހުޅަނގު ދާއިރާ މެންބަރު އަދި ރ. ރަސްމާދޫ ކައުންސިލްގެ އަންހެން މެންބަރު އިންތިޚާބު ކުރުމަށް ބާއްވާ ބައި-އިލެކްޝަން ހިމެނެއެވެ.
އީީސީން މައުލޫމާތު ދޭ ގޮތުގައި ހޮނިހިރު ދުވަހުގެ ހެނދުނު 11:00 އާ ހަމައަށް ވޯޓު ލާފައިވަނީ 1047 މީހުންނެވެ. އެއީ 421 އަންހެނުންނާއި، 626 ފިރިހެނުންނެވެ.
މި އިންތިޚާބުތަކުގައި 13،112 މީހުންނަށް ވޯޓު ލުމުގެ ޙައްޤު ލިބިފައިވެއެވެ.
ލޯކަލް ކައުންސިލްތަކުގެ ބައި-އިލެކްޝަނުގެ ވޯޓުނެގުން ހޮނިހިރު ދުވަހުގެ ހެނދުނު8:00އިން ފެށިގެން ހަވީރު4:00އަށް ކުރިއަށްދާނެއެވެ.
