އާދީއްތަ ދުވަހު ނިމުނު ޔޫރޯ ފުޓްބޯޅަ މުބާރާތުގައި ދުނިޔޭގެ ގިނަބައެއްގެ ތަރިއަކަށްވީ މުބާރާތް ތެރޭގައި 16 އަހަރު ފުރި 17 އަހަރަށް އެޅުނު ސްޕޭނުގެ ފޯވަޑް ލަމީން ޔަމާލެވެ. ދަނޑުމަތީގަ އާއި ދަނޑުބޭރުގައިވެސްމެ އެވެ. ޔޫރޯގެ އެންމެ ޒުވާން ކުޅުންތެރިޔާގެ މަގާމު ހޯދި ޔަމާލަކީ ހަތަރުކަށިމަތި ސްޕޭން މީހެއް ނޫނެވެ. މަންމަ އަކީ އީކުއޭޓޯރިއަލް ގިނީގެ ބާޓާއަށް އުފަން ޝެއިލާ އެބާނާ އެވެ. ބައްޕަ އަކީ މޮރޮކޯގެ ކުލަލާމީހެއް ކަމަށްވާ މޮނީރު ނަސްރައުއީ އެވެ.
ޔޫރޯ ތެރޭގައި އެންމެ ގިނަ ބަޔަކު ވާހަކަ ދެއްކީ މޮނީރު ނޫސްވެރިއަކަށް ދިން ފޮޓޯ އަކަށެވެ. އެ ފޮޓޯއިން ފެންނަނީ ދުނިޔޭގެ މޮޅު ކުޅުންތެރިޔާ އާޖެންޓީނާގެ ކެޕްޓަން ލަޔޮނަލް މެސީ 2007 ވަނަ އަހަރު ޔަމާލް ފެންވަރުވާތަނެވެ. ފަހުން ޔަމާލް ބުނީ މެސީ ފަދައިން އޭނާ ވެސް އެކުލަބަކަށް ކުޅެމުންދާ ބާސެލޯނާ އާއި ޔުނެސެފް ގުޅިގެން ހިންގި ޕްރޮގްރާމުގައި ނެގި ފޮޓޯ އޭނާގެ ބައްޕަ ފޮރުވާފައި އޮތީ އެންމެ ސަބަބަކަށްޓަކައި ކަމަށެވެ. އެއީ އޭނާ އާއި މެސީ އަޅާކިޔާފާނެތީ ކަމަށެވެ.
![](https://dyncz33htw1ec.cloudfront.net/posts/d7c5fd5f-7eae-487b-aa15-b96992f0328a.png)
މިއަށްވުރެ ބޮޑަށް ޔޫރޯ ނިމެނިކޮށް މީޑިއާތަކުން އެންމެ ބޮޑަށް މަސައްކަތް ކުރީ ޔަމާލްގެ ލޯބިވެރިޔާ ދެނެގަތުމަށެވެ. މިކަމަށްޓަކައި އަތްފުނާ އަޅަމުންދިޔަ ކެމެރާމަނުންގެ ލެންސަށް ޔަމާލްގެ ލޯބިވެރިޔާ ކަށަވަރުކުރެވުނީ ފައިނަލް މެޗަށް ފަހު ދެމީހުން ކޮނޑާކޮނޑު ޖައްސައިގެން ތިބެ ފޮޓޯނަގާ މަންޒަރު މުޅި ދުނިޔެ އަށް ދައްކައި، އެމީހުންގެ ގުޅުން އިއުލާނުކުރުމުންނެވެ. އޭގެ ކުރިން ވެސް ޔަމާލްގެ އާއިލާ މެމްބަރުންނާއެކު މި އަންހެންކުއްޖާ މެޗު ބަލަން ގޮސްއިންނާތީވެ އެއީ ޔަމާލްއާ ގުޅުންހުރި މީހެއް ކަމަށް ދިޔައީ ޝައްކު ކުރެވެމުންނެވެ.
ލޯބީގެ ގޮތުން ޔަމާލް ގުޅިގެން އުޅެނީ ކުއްޖަކީ ބާސެލޯނާ އަށް އުފަން އެލެކްސް ޕަޑިއްޔާ އެވެ. އޭނާ އަކީ މަދަރުސާގައި ކިޔަވަމުންދާ ކުއްޖަކާ އެވެ. ޔަމާލް ފަދައިން އޭނާ ވެސް ކިޔަވަނީ މިހާރު ގްރޭޑް 10ގަ އެވެ. މި ފަހަރުގެ ޔޫރޯ ތެރޭގައި ޔަމާލް މަދަރުސާގެ ފިލާވަޅުތައް ހެދީ ހޮޓަލުގައި އޮންލައިންކޮށެވެ.
![](https://dyncz33htw1ec.cloudfront.net/posts/25c9086e-6c51-4d1e-a18e-790442fe28cb.png)
ޕަޑިއްޔާ އަކީ ޓިކްޓޮކް ތަރިއެކެވެ. އޭނާ އަކީ ޔަމާލްގެ ލޯބިވެރިޔާކަން އެނގުމާއެކު ޓިކްޓޮކްގައި އޭނާ ފޮލޯކުރާ މީހުންގެ އަދަދު މިހާރު ވަނީ އެތައް މިލިއަނަކަށް އަރައިފަ އެވެ. ޔަމާލްގެ ލޯބިވެރިޔަކީ ޕަޑިއްޔާކަމަށް ގިނަ ބަޔަކު ކުރިން ވެސް ޝައްކުކުރި އެވެ. އެއީ ޔަމާލްގެ ޓިކްޓޮކެ އެކައުންޓުން ފޮލޯކޮށްފައިވާ ދެމީހުންގެ ތެރެއިން އެކަކީ ޕަޑިއްޔާ ކަމުގައިވުމުންނެވެ. އަނެއް މީހަކީ ބައްޕަ މޮނީރެވެ. ޔަމާލްއާ ގުޅުނުއިރު ވެސް ޕަޑިއްޔާ އަކީ ކްރިސްޓިއަނެކެވެ. ނަމަވެސް މި ޖޯޑުގެ ގުޅުމާއެކު ޕަޑިއްޔާ އޭނާގެ ދީން ބަދަލުކޮށްފައިވާ ކަމަށް ވެސް ސްޕޭނުގެ ނޫސްތަކުން ބުނެ އެވެ. ޔަމާލަކީ މުސްލިމެކެވެ.
ޕަޑިއްޔާ އަކީ ޓިކްޓޮކް ތަރިއެކެވެ. އޭނާ އަކީ ޔަމާލްގެ ލޯބިވެރިޔާކަން އެނގުމާއެކު ޓިކްޓޮކްގައި އޭނާ ފޮލޯކުރާ މީހުންގެ އަދަދު މިހާރު ވަނީ އެތައް މިލިއަނަކަށް އަރައިފަ އެވެ. ޔަމާލްގެ ލޯބިވެރިޔަކީ ޕަޑިއްޔާކަމަށް ގިނަ ބަޔަކު ކުރިން ވެސް ޝައްކުކުރި އެވެ. އެއީ ޔަމާލްގެ ޓިކްޓޮކެ އެކައުންޓުން ފޮލޯކޮށްފައިވާ ދެމީހުންގެ ތެރެއިން އެކަކީ ޕަޑިއްޔާ ކަމުގައިވުމުންނެވެ. އަނެއް މީހަކީ ބައްޕަ މޮނީރެވެ. ޔަމާލްއާ ގުޅުނުއިރު ވެސް ޕަޑިއްޔާ އަކީ ކްރިސްޓިއަނެކެވެ. ނަމަވެސް މި ޖޯޑުގެ ގުޅުމާއެކު ޕަޑިއްޔާ އޭނާގެ ދީން ބަދަލުކޮށްފައިވާ ކަމަށް ވެސް ސްޕޭނުގެ ނޫސްތަކުން ބުނެ އެވެ. ޔަމާލަކީ މުސްލިމެކެވެ.ޕަޑިއްޔާ ދާޑި ފަހުން ވަނީ އޭނާގެ އިންސްޓަގްރާމް އެކައުންޓް ޑީއެކްޓިވޭޓްކޮށްފަ އެވެ. އެއިރު 20000 މީހުން އޭނާ ފޮލޯ ކުރަމުންދިޔަ އެވެ. އެކައުންޓް އުވާލީ އޭނާ އާއި ޔަމާލްގެ ވާހަކަ ދެކެވެމުން ދެށުމުންނެވެ.
![](https://dyncz33htw1ec.cloudfront.net/posts/958ef02c-ed24-40b7-b952-bcb4c4e6f12e.png)
ޕަޑިއްޔާ އަކީ ބާސެލޯނާއަށް އުފަން ކުއްޖެކެވެ. ޔަމާލް ކުޑައިރު އޭނާ އުޅެ ބޮޑުވީ ބާސެލޯނާ ކައިރީގައިވާ ރޮކަފޮންޑާގަ އެވެ. ބާސެލޯނާގެ ސީނިއާ ޓީމަށް ނެގި ފަހުން ޔަމާލް ވެސް މިހާރު ދިރިއުޅެމުންދަނީ ދުނިޔޭގެ އެންމެ ޑިމާންޑްބޮޑު އެއް ސިޓީ ކަމަށްވާ ބާސެލޯނާގަ އެވެ. އަގު ބޮޑު މި ސިޓީން އޭނާ ވަނީ ބައްޕަ ދިރިއުޅޭނެ ގެއެއް ވެސް ގަނެދީފަ އެވެ. މިއާއެކު ރޮކަފޮންޑާގައި މަންމަ އާއި މާމައަށް ދިރިއުޅުމަށް ވެސް ވަނީ ވަކިވަކިން ކޮންމެ މީހަކަށް ގެއެއް ގަނެދީފަ އެވެ.
ޔަމާލްގެ މަންމަ އާއި ބައްޕަ ސްޕޭނަށް ހިޖުރަކުރީ ވަގަށެވެ. ބޯޑަރ ހުރަސް ކުރުމަށް އެތައް ދޮގުތަކެއް ހަދައިގެންނެވެ. މިވާހަކަ ޔޫރޯ ތެރޭގައި ކިޔާދިނީ ބައްޕަ މޮނީރެވެ. ސްޕޭނަށް މި އާއިލާ ދިރިއުޅުން ބަދަލުކުރުމުން ޔަމާލް ބެލުމަށް ދުވަސްކޮޅެއް ފަހުން އައީ އޭނާގެ މާމަ އެވެ. ފަހުން މަންމަ އާއި ބައްޕަ ވަކިވުމުން ޔަމާލްގެ ކަންކަމުގައި އެންމެ ބޮޑަށް އުޅުނީ ވެސް މާމަ އެވެ. ކުޑައިރު ގިނަ ވަގުތު ހޭދަކުރީ މާމަގެ ތަރުބިއްޔަތު ލިބިގެންނެވެ. ފުޓްބޯޅަ ކުޅެން އޭނާ ގޮވައިގެން ބޭރުތެރެއަށް ގިނައިން ގޮސް އުޅުނީ ވެސް މާމަ އެވެ.
![](https://dyncz33htw1ec.cloudfront.net/posts/d33280a7-2737-41a7-8156-f72f8c25d119.png)
މިހެންވެ ޕަޑިއްޔާ ވެސް އެންމެ ބޮޑަށް ގުޅުން ބާއްވާ ޔަމާލްގެ އާއިލާގެ މެމްބަރަކީ އޭނާގެ މާމަ އެވެ.
ޔޫރޯ އަށް ފަހު ޔަމާލް ސްކޫލަށް ހާޒިރުވުމުގެ ބަދަލުގައި ދިޔައީ ޗުއްޓީއަށެވެ. މި ދަތުރު ދިޔައީ އެކަނިކަން ޔަގީން ނުވިޔަސް އެނގޭ ކަމަކީ އޮގަސްޓް މަހުގެ ކުރީކޮޅު ބާސެލޯނާގެ ފަރިތަކުރުންތަކަށް ނުކުންނަންޖެހޭ ކަމެވެ.