2018 ގައި ކެމްޕޭނަށް ލިބުނު 200 މިލިއަން ރުފިޔާ ހުރީ ރައީސް ޔާމީން އެކައުންޓުގައި - ފައިސަލް
ލާރި ނޫން އެހެން އެއްޗެއް ނޫންވީމަ ވެރިކަން ގެއްލި، މިއަދު ސިޔާސީ މައިދާނުން އެކަހެރިވެފައި އެއިނީ
ކުރީގެ ރައީސް ޢަބްދުﷲ ޔާމީން
2018 ގައި ކެމްޕޭނަށް ލިބުނު 200 މިލިއަން ރުފިޔާ ހުރީ ކުރީގެ ރައީސް ޔާމީންގެ އެކައުންޓުގައި ކަމަށާއި، ލާރި ނޫން އެއްޗެއް ނޫން ވީމާ ވެރިކަން ގެއްލިވަޑައިގެންނެވި ކަމަށް ޓުއަރިޒަމް މިނިސްޓަރު އިބްރާހިމް ފައިސަލް ވިދާޅުވެއްޖެއެވެ.
ޕީއެންސީ ހަރުގެ ޖަލްސާގައި ވާހަކަ ދައްކަވަމުން ފައިސަލް ވިދާޅުވީ 2018 ވަނަ އަހަރު ވެރިކަން ގެއްލިގެން އުޅުނު ދުވަސްވަރު ރާއްޖޭގައި ފުޅާ ދާއިރާއެއްގައި ވިޔަފާރި ކުރައްވާ ވިޔަފާރިވެރިއަކާއި ދިމާވި ކަމަށާއި، ސުވާލުކުރެއްވީ އިންތިހާބުން ބަލީވީ ކީއްވެގެންތޯއެވެ. އަދި އެވަރަށް ފައިސާ ދެއްވި ކަމަށާއި، 200 މިލިއަން ރުފިޔާ އިންތިހާބުގެ ކެމްޕޭނަށް ދެއްވި ކަމަށެވެ.
ފައިސަލް ވިދާޅުވީ ޖަމީލް އުޅުއްވަނީ މާމޮޅު ޑޮކްޓަރަކަށް ވެގެން ކަމަށް ދައުވާކޮށްގެން ކަމަށާއި، ކުރެވުނު އެއްވެސް ކަމެއް ނެތް ކަމަށެވެ. ވަކީލެއް ކަމަށް ވިދާޅުވާއިރު ހަމައެކަނި ކާމިޔާބު ކުރެވުނީ އެޓަރނީ ޖެނެރަލްގެ މަގާމުގައި ހުންނެވި އިރު، ނުހައްގުން ބައެއްގެ ވިޔަފާރި ހަލާލުކޮށްލީ ޖަމީލްގެ އަނބިކަނބަލުންގެ އާއިލާއަށް ކަމަށެވެ.
ފައިސަލް ވިދާޅުވީ އަތުންފައިން މަސައްކަތެއް ނުކޮށް، އެ ދުވަހުން ފެށިގެން މިއަދާ ހިސާބަށްވެސް އުޅެނީ އަބަދުވެސް އުފެދޭ ކޮންމެވެސް ސަރުކާރަކުން ސިޔާސީ މަގާމު ހޯދައިގެން ކަމަށެވެ.
ފައިސަލް ވަނީ ރައީސް މުއިއްޒުއަށް ލިބުނު ވޯޓުގެ އަދަދަށް ބަލާއިރު އެއީ ރެކޯޑްތަކެއް ކަމަށާއި، ރައީސް މުއިއްޒުއަށް ރައްޔިތުންގެ ތާއިދު އެބައޮތް ކަމަށެވެ. މަޖިލިސް އިންތިހާބަށް ނުކުންނެވީ ހުސް ގޮނޑިއެއް ހިއްޕަވައިގެން ނޫން ކަމަށެވެ.
