ހައްޖު މޫސުމާ ގުޅިގެން 29000 މެޑިކަލް އޮފިސަރުން ހަރަކާތްތެރިވާނެ!
މިއަހަރު ހައްޖުވުމަށް ދެ މިލިއަން ހައްޖާޖީން ސައުދީއަށް ދަތުރުކުރާނެ
ހައްޖުގެ މަތިވެރި އަޅުކަން އަދާކުރުމަށް ސައުދީއަށް ދިޔަ ހައްޖާޖީއަކަށް މަރުހަބާ ކިޔަނީ
މިއަހަރުގެ ހައްޖު މޫސުމާ ގުޅިގެން ސައުދީ އަރަބިއްޔާއަށް އަންނަ ހައްޖާޖީންގެ ހިދުމަތުގައި 29000 ސިއްހީ އޮފިސަރުން ހަރަކާތްތެރިވާނެ ކަމަށް ސައުދީގެ ސިއްހީ ވުޒާރާއިން ހާމަކޮށްފިއެވެ.
އެވުޒާރާއިން ހާމަކޮށްފާއިވާ ގޮތުގައި ހުރިހާ ހައްޖާޖީންނަށް މެނިންގައިޓިސްއާއި އިންފުލުއެންޒާ ވެކްސިން ދިނުމަށްވަނީ ހަމަޖެހިފައެވެ. ކުރީއަހަރުތަކާވެސް އެއްގޮތަށް މިއަހަރުވެސް ހައްޖާޖީންނަށް އެންމެ ފުރިހަމަ ސިއްހީ އެހީތެރިކަން ދެވޭނެގޮތަކަށް ކަންކަން ރޭވިފައިވާ ކަމަށް އެވުޒާރާއިން ބުނެފައިވެއެވެ.
ސައުދީއަށް ހައްޖަށްދާ ހުރިހާ ހައްޖާޖީންގެ ސިއްހީ ހާލަތު ޑަބްލިއު.އެޗް.އޯ އާއި އެޓްލާނަޓާ ބޭސްޑް ސެންޓާ ފޯ ޑިސީސް ކޮންޓްރޯލްގެ މިންގަޑުތަކާ އެއްގޮތަށް ހުރިތޯ މޮނީޓާ ކުރެވިގެންދާނެއެވެ.
ހައްޖުގެ އަޅުކަންތަށް ކުރިޔަށްދާ މައި ސިޓީތަކުގެ ސިއްހީ ހިދުމަތްދޭ ތަންތަނުން 24 ގަޑިއިރުގެ ހިދުމަތްދެމުން ގެންދާނެއެވެ. 5000 އެދުގެ ކެޕޭސިޓީއާއި އެއްކޮށް 25 ހޮސްޕިޓަލުން ހިދުމަތް ދެމުން ގެންދާނެއެވެ. މީގެއިތުރުންވެސް 100 އެމްބިއުލާންސް އަބަދުވެސް ހަރަކާތްތެރި ވަމުންދާނެއެވެ.
ސައުދީގެ ސިއްހީ ވުޒާރާއިން ވަނީ އެ ގައުމުގެ އެމްބަސީތައް މެދުވެރިކޮށް ހުރިހާ ހައްޖާޖީންނަށް ސިއްހީ ގައިޑްލައިންތަކެއް ފޯރުކޮށްދީފައެވެ.
ސައުދީގެ ސަރުކާރުން ހާމަކޮށްފައިވާ ގޮތުގައި މިއަހަރު ހައްޖުވުމަށް ދެ މިލިއަން ހައްޖާޖީން ސައުދީއަށް ދަތުރުކުރާނެއެވެ. ރާއްޖެއިން މިއަހަރު ހައްޖަށް ދިޔުމަށް ހަމަޖެހިފައިވަނީ 1000 ހައްޖާޖީންނެވެ.
