ކެމްޕެއިނުގައި މިފަހަރު ގޮވާލީ ސަރުކާރު ޕާޓީ މީހުންނަށް އެކަނި ކަރަންޓުދޭން، ޕާޓީން މިފަހަރުވެސް ބުނީ އެއީ ފަރުދީ ވިސްނުމެއް ކަމަށް
15 އެޕްރީލު 2024 | ހޯމަ 07:44އިންތިޚާބު ނިމެންދެން ސީދާ ޕާޓީ މީހުންނަށް ކަރަންޓު ދޫކުރުމަށް އޭނާ ވަނީ ގޮވާލާފައި
ފެނަކަ ބްރާންޗުގެ އެސިސްޓެންޓް މެނޭޖަރު އަބްދުﷲ ރަޝީދު
ކުރިއަށް އޮތް ރައްޔިތުންގެ މަޖިލިސް އިންތިޚާބު ނިމެންދެން، ހަމައެކަނި ސަރުކާރު ނިސްބަތްވާ ޕާޓީގެ މީހުންނަށް ކަރަންޓު ދިނުމަށް ހއ. ދިއްދޫ ފެނަކަ ބްރާންޗުގެ އެސިސްޓެންޓް މެނޭޖަރު އަބްދުﷲ ރަޝީދު ގޮވާލައިފިއެވެ.
އޭނާ އެހެން ބުނެފައިވަނީ މަޖިލިސް އިންތިހާބުގައި ދިއްދޫ ދާއިރާއަށް ޕީއެންސީގެ ޓިކެޓުގައި ވާދަކުރައްވާ ކެންޑިޑޭޓޫގެ ކެމްޕޭން ޖަލްސާގައި ވާހަކަ ދައްކަމުންނެވެ.
އޭނާ ވަނީ ސަރުކާރު ނިސްބަތްވާ ޕާޓީ ނޫން މީހުންނަށް ކަރަންޓު ދޭކަންވެސް އެއީ ނަސީބެއްނޫންތޯ ސުވާލުކޮށްފައެވެ.
އަދި ގެތައް ވަކިވަކިން ބެލުމަށްފަހު، އިންތިޚާބު ނިމެންދެން ސީދާ ޕާޓީ މީހުންނަށް ކަރަންޓު ދޫކުރުމަށް އޭނާ ވަނީ ގޮވާލާފައެވެ.
އޭނާގެ ވާހަކަ ކުށްވެރިކޮށް ޕީއެންސީން ބުނެފައިވަނީ އޭނާ ދެއްކި ވާހަކަތަކަކީ ރައީސުލްޖުމްހޫރިއްޔާ ޑރ. މުޙައްމަދު މުޢިއްޒުގެ އަދި ޕާޓީގެ ވެސް ސިޔާސަތެއް ނޫން ކަމަށެވެ.
