ލ. އިސްދޫ އަދި ގަން ކައުންސިލްގެ ބައި-އިލެކްޝަންގައި ވޯޓުލެވޭ މީހުންގެ ލިސްޓު އާއްމުކޮށްފި
އިންތިހާބުގެ ރަސްމީ ނަތީޖާ މެއި މަހުގެ 20 ވަނަ ދުވަހު އިއުލާން ކުރާނެ ކަމަށް އިލެކްޝަންސް ކޮމިޝަނުން ބުނޭ
އިންތިޚާބެއްގެ ވޯޓުލުން ކުރިއަށް ދަނީ
ލ. އިސްދޫ ކައުންސިލް މެންބަރާއި ލ.ގަމު ކައުންސިލްގެ އަންހެން މެންބަރު އިންތިޚާބު ކުރުމަށް ބާއްވާ ބައި-އިލެކްޝަންގައި ވޯޓު ދިނުމުގެ ހައްގު ލިބިފައިވާ މީހުންގެ ލިސްޓު އިލެކްޝަންސް ކޮމިޝަނުން އާންމުކޮށްފިއެވެ.
އިލެކްޝަންސް ކޮމިޝަނުން ވަނީ އެ ވޯޓު ލިސްޓުގެ ރަޖިސްޓަރީތައް ދިވެހިސަރުކާރުގެ ގެޒެޓާއި އިލެކްޝަންސް ކޮމިޝަނުގެ ވެބްސައިޓުގައި ޝާއިއުކޮށްފައެވެ. އެ ކޮމިޝަނުން ބުނީ މި ލިސްޓަށް ޝަކުވާ ހުށަހެޅުމުގެ ފުރުސަތު މި ހިނގާ އެޕްރީލް 14ގެ ނިޔަލަށް، ކޮންމެ ދުވަހަކު ހެނދުނު 09:30 އިން މެންދުރުފަހު 13:30 އަށް އޮންނާނެ ކަމަށެވެ. އަދި ޝަކުވާ ފޯމު އިލެކްޝަންސް ކޮމިޝަނުގެ ވެބްސައިޓުންނާއި ކޮމިޝަނުގެ އިދާރާއިން ލިބެން ހުންނާނެ ކަމަށް ބުނެފައިވެއެވެ. މީގެ އިތުރުން އިލެކްޝަންސް ކޮމިޝަނުން ބުނީ ޝަކުވާ ހުށަހަޅާނީ ކޮމިޝަނުގެ އީމެއިލް މެދުވެރިކޮށް ކަމަށާއި އީމެއިލް އެޑްރެސް އަކީregistration@elections.gov.mvކަމަށެވެ.
ލ. އިސްދޫ ކައުންސިލުގެ މެންބަރަކާއި ލ. ގަމު ކައުންސިލަށް އަންހެން މެންބަރަކު އިންތިހާބު ކުރުމަށް ބާއްވާ ބައި އިލެކްޝަން ބޭއްވުމަށް ހަމަޖެހިފައި ވަނީ އަންނަ މެއި މަހުގެ 18 ވަނަ ދުވަހުއެވެ. އެ ދެ ބައި-އިލެކްޝަން ބާއްވާނީ އެ ދުވަހުގެ ހެނދުނު 8:00 އިން ހަވީރު 4:00 އަށެވެ. އިންތިހާބުގެ ރަސްމީ ނަތީޖާ މެއި މަހުގެ 20 ވަނަ ދުވަހު އިއުލާން ކުރާނެ ކަމަށް އިލެކްޝަންސް ކޮމިޝަނުން ބުނެއެވެ.
