ވާރޭ ވެހޭނެކަމަށް ލަފާކޮށް، ދެކުނަށް ވައިޓް އެލާޓް

ބޯކޮށް ވާރޭ ވެހޭނެކަމަށް ލަފާކޮށް, ރާއްޖޭގެ ދެކުނުގެ ސަރަހައްދަށް ވައިޓް އެލާޓް ނެރެފިއެވެ.

މޫސުމާބެހޭ ގައުމީ އިދާރާއިން ބުނީ ގއ އަތޮޅުން ފެށިގެން އައްޑޫ ސިޓީއަށް މިރޭ 11 ޖެހުމާ ހަމައަށް، އަދި ކ އަތޮޅުން ފެށިގެން ލ އަތޮޅާ ހަމައަށް މިރޭ 12:30އާ ހަމައަށް ވައިޓް އެލާޓް ނެރޭކަމުގައެވެ. މި ވަގުތުގައި މި ސަރަހައްދަށް ބޯކޮށް ވާރޭ ވެހުމާއެކު ގުގުރާނެކަމަށް މެޓް އޮފީހުން ލަފާކުރެއެވެ.

އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެ ކަމަށްވެސް މެޓް އޮފީހުން ވަނީ ލަފާކޮށްފައެވެ.