ތ. ބުރުނީގެ ބޭރުން ދަތުރުކުރަމުންދިޔަ ލޯންޗެއް ދިޔަވާތީ އެމްއެންޑީއެފް ސެންޓްރަލް އޭރިއާ ކޮމާންޑް ކުޑަހުވަދޫ ޕޯސްޓްގެ ސިފައިން އެހީތެރިކަން ފޯރުކޮށްދީފިއެވެ.
އެ ހާދިސާގެ މައުލޫމާތު ދެމުން ސިފައިން ބުނި ގޮތުގައި، "އެމްއާރުސްޕީޑް" ނަމަކަށް ކިޔާ ލޯންޗު ދިޔަވެ، ގެއްލުންވަމުން ދިޔައީ ތ.ބުރުނީގެ 4 ނޯޓިކަލް މޭލު ބޭރުންނެވެ.
އެ ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
މި ދުވަސްވަރަކީ ރާއްޖޭގެ އެކި ހިސާބުތަކަށް ވަރަށް ވިއްސާރަ ދުވަސްވަރަކަށް ވުމުން، ކަނޑު ދަތުރުފަތުރު ކުރުމުގައި އާންމުން ވިހާވެސް ސަމާލުކަން ދިނުމަށް ކަމާބެހޭ އިދާރާތަކުން ދަނީ ބުނަމުންނެވެ. އެގޮތުން ކޮންމެހެން ކުރަންޖެހޭ ދަތުރެއް ވެސް، އޭރުގެ މޫސުމުގެ ޙާލަތު ބެލުމަށްފަހު ނޫނީ ނުކުރުމަށް އެ އިދާރާތަކުން ދަނީ އިލްތިމާސްކުރަމުންނެވެ.
