އިތުރު 13 ބޭފުޅަކަށް ސްޓޭޓް މިނިސްޓަރުކަން ދެއްވުމާއެކު ސްޓޭޓް މިނިސްޓަރުންގެ އަދަދު 65ށް
ޑެޕިއުޓީ މިނިސްޓަރު ކަމުގައި މިވަގުތު 75 ބޭފުޅަކު އެބަ ތިއްބެވި
އިތުރު 13 ބޭފުޅަކަށް ސްޓޭޓް މިނިސްޓަރުކަން ދެއްވާ މަގާމުގެ ފަތްކޮޅު އަރުއްވަނީ
ރައީސުލްޖުމްހޫރިއްޔާ ޑޮކްޓަރ މުޙައްމަދު މުޢިއްޒު، ސަރުކާރުގެ ބައެއް މިނިސްޓްރީތަކުގެ ސްޓޭޓްމިނިސްޓަރު ކަމުގެ މަގާމަށް އިތުރު ބައެއް ބޭފުޅުން ޢައްޔަނުކުރައްވައި އެބޭފުޅުންނަށް މަގާމުގެ ފަތްކޮޅު ދެއްވައިފިއެވެ.
މިގޮތުން، ރައީސުލްޖުމްހޫރިއްޔާ ޢައްޔަނުކުރެއްވި ބޭފުޅުންނާއި އެބޭފުޅުން ޢައްޔަނުކުރެއްވި މަގާމުތަކަކީ:
މިއާއެކު މިވަގުތު ރައީސް އޮފީސް ހިމެނޭހެން ސަރުކާރުގެ ހުރިހާ ވުޒާރާއެއްގައި 65 ސްޓޭޓް މިނިސްޓަރުން އެބަ ތިއްބެވިއެވެ. ޑެޕިއުޓީ މިނިސްޓަރު ކަމުގައި މިވަގުތު 75 ބޭފުޅަކު އެބަ ތިއްބެވިއެވެ. މިނިސްޓަރު ފެންވަރުގެ 19 ބޭފުޅަކު އެބަތިއްބެވިއެވެ. ކެބިނެޓުގައި 22 ވަޒީރުން އެބަ ތިއްބެވިއެވެ.
ރައީސް ޑރ. މުއިއްޒުގެ ފަރާތްޕުޅުން އިންތިގާލީ މަރުހަލާގެ ތަރުޖަމާން މުހައްމަދު ފިރުޒުލް ވިދާޅުވެފައި ވަނީ ސިޔާސީ މުވައްޒަފުންގެ އަދަދު 700 އަށް ވުރެ އިތުރު ނުކުރަން ނިންމާފައިވާ ކަމަށެވެ.
ތަފާސްހިސާބުތަކަށް ބަލާއިރު ކުރީގެ ރައީސް އިބްރާހީމް މުހައްމަދު ޞާލިހުގެ ސަރުކާރުގައި ތިބި ސިޔާސީ މުވައްޒަފުންގެ އަދަދަކީ 1063 އެވެ. އޭގެކުރީގެ ރައީސް އަބްދުﷲ ޔާމީންގެ ސަރުކާރުގައި ސިޔާސީ މުވައްޒަފުންގެ ގޮތުގައި 808 މުވައްޒަފުން ތިއްބެވެ.
