އައްޑޫސިޓީގައި ހޯމަ ދުވަހު ހިންގި ގްރޫޕް މާރާމާރީ: ހައްޔަރު ކުރި ދެމީހުން ޝަރީއަތް ނިމެންދެން ބަންދު

އައްޑޫސިޓީގައި ހޯމަ ދުވަހު (ޑިސެމްބަރު 4) ހިންގި ގްރޫޕް މާރާމާރީއާ ގުޅިގެން ހައްޔަރު ކުރި ދެމީހުންގެ ޝަރީއަތް ނިމެންދެން ބަންދު ކުުރުމަށް ކޯޓުން އަމުރުކޮށްފިއެވެ.

ފުލުހުން ބުނީ އައްޑޫ ސިޓީގެ ހިތަދޫގައި ދެ ގްރޫޕެއްގެ ދެމެދު ހިންގި މާރާމާރީގައި ތޫނު އެއްޗަކުން ހަމަލާދީ ޒަހަމްވި އުމުރުން 30 އަހަރުގެ ދިވެހި ފިރިހެން މީހާއަށް އައްޑޫ އިކުއެޓޯރިއަލް ހޮސްޕިޓަލުގައި ފަރުވާ ދެމުންދާ ކަމަށާއި އެމީހާގެ ހާލު ސީރިއަސް ކަމަށް ހޮސްޕިޓަލުން ފުލުހުންނަށް މައުލޫމާތު ދީފައިވާ ކަމަށެވެ.

މި މައްސަލައާ ގުޅިގެން ދެ ފިރިހެނުން ހައްޔަރު ކޮށްފައިވާއިރު، އޭގެ ތެރެއިން އެކަކަކީ އުމުރުން 23 އަހަރުގެ މީހެކެވެ.