ބަންގްލަދޭޝް ކެޕްޓަން ލަންކާ އަށް އަތުވެއްޖެނަމަ "ގައު އުކާނެ"
9 ނޮވެމްބަރު 2023 | ބުރާސްފަތި 07:11މަތިއު އަށް އަދަބު ދިނީ ޝަކީބް އެޕީލް ކުރުމުން
ލަންކާގެ ކެޕްޓަން މަތިއު އާއި ބަންގްލަދޭޝްގެ ޝަކީބް (ވ)
ބަންގްލަދޭޝްގެ ކްރިކެޓް ކެޕްޓަން ޝަކީބް އަލް ހަސަން ސްރީލަންކާ އަށް ހިނގައްޖެނަމަ އޭނާގަޔަށް ގައު އުކާނެ ކަމަށް ލަންކާގެ ކެޕްޓަންގެ ބޭބެ ބުނެފި އެވެ.
އޭނާ މިހެން ބުނީ ލަންކާގެ ކެޕްޓަން އެންޖެލޯ މަތިއު އަކީ ކެރިކެޓްގައި ޓައިމް އައުޓްވެގެން އަދަބު ލިބުނު ފުރަތަމަ ކުޅުންތެރިޔާ އަށް ވުމުގެ މައްސަލާގަ އެވެ.
މަތިއު ޓައިމް އައުޓްވީ ބެޓްކުރަން ނުކުމެ ކުޅުން ފަށަން އުޅެނިކޮށް ހެލްމެޓްގެ ވާގަނޑު ހަލާކުވުމުން އެ ހެލްމެޓް ބަދަލުކުރަން ގޮސްފައި އެނބުރި އައުސް ލަސްވުމުން ކުޅުން ފަށަން ޖެހޭ ގަޑިއަށް ނުފެށުމުންނެވެ. މިކަން މައްސަލައަކަށްވީ ބަންގްލަދޭޝް ކެޕްޓަން އެކަމަށް އެޕީލް ކުރުމުން ރެފްރީ ފިޔަވަޅު އެޅުމުންނެވެ.
މިކަމާ ކްރިކެޓްގެ ކުރީގެ ކުޅުންތެރިން ވެސް ދަނީ ހިތްހަމަނުޖެހުން ފާޅު ކުރަމުންނެވެ. ގިނަ ކްރިކެޓް ކުޅުންތެރިން ބުނަނީ ޝަކީބްގެ އަމަލަކީ ކުޅިވަރުގެ އުސޫލާ ހިލާފު އަމަލެއް ކަމަށެވެ. ސަބަބަކީ ކުޅުން ފަށަން އޮތް ގަޑިއަށް ނުފެށި ލަސްވީ މަތިއު ގަސްތުގައި ކުރި ކަމަކުން ކަމަށްނުވާއިރު އެކަމަށް އެޕީލްކޮށްގެން ނުވާނެ ކަމަށެވެ. އަދި އަމްޕަޔަރު ފިޔަވަޅު އެޅީ ޝަކީބު އެކަމަށް އެޕީލް ކުރުމުން ކަމަށެވެ.
ބަންގްލަދޭޝް އާއި ލަންކާ ކުޅުނު މެޗުގައި މަތިއު ވަނީ މި މައްސަލަ ވަރަށް ބޮޑަށް ޖައްސާފަ އެވެ.
