2023 ވަނަ އަހަރު ބޭންކް އޮފް މޯލްޑިވްސްގެ ސްޓާޓަޕް ގްރާންޓް ލިބޭ ފަރާތްތައް ހޮވައިފި
12 އޮކްޓޯބަރު 2023 | ބުރާސްފަތި 10:49އުފެދެމުން އަންނަ ވިޔަފާރިވެރިންނަށް ރާއްޖޭގައި ވިޔަފާރިއެއް ފެށުމަށް ނުވަތަ ކުރިއެރުވުމަށް ހިލޭ އެހީގެގޮތުގައި 500،000 ރުފިޔާ ލިބޭ ގްރާންޓެއް
ބީއެމްއެލް ސްޓާޓަޕް ގްރާންޓް 2023
2023 ވަނަ އަހަރު ބޭންކް އޮފް މޯލްޑިވްސް (ބީއެމްއެލް)ގެ ސްޓާޓަޕް ގްރާންޓް ލިބޭ ފަރާތްތައް ހޮވައިފިއެވެ.
މި ގްރާންޓަކީ އުފެދެމުން އަންނަ ވިޔަފާރިވެރިންނަށް ރާއްޖޭގައި ވިޔަފާރިއެއް ފެށުމަށް ނުވަތަ ކުރިއެރުވުމަށް ހިލޭ އެހީގެ ގޮތުގައި 500،000 ރުފިޔާ ލިބޭ ގްރާންޓެކެވެ. އަދި ބުރާސްފަތި ދުވަހު ބީއެމްއެލްގެ ސްޓާޓަޕް ގްރާންޓް 2023 ވަނަ އަހަރުގެ ލިބޭ 2 ވިޔަފާރިއެއް ވަނީ ހޮވާފައެވެ.
ސްޓާޓަޕް ގްރާންޓް ކާމިޔާބުކުރި ދެ ފަރާތަކީ އާމިނަތު ހަމީދު (މޯލްޑިވިއަން ޕެޓިސިއޭ) އަދި ސަންފާ ނަޒާހަތު އަހުމަދު (ނަޒާހެލްތު)އެވެ.
އާމިނަތު ހަމީދުއަށް ގްރާންޓް ދޫކޮށްފައިވަނީ ފެންވަރު ރަނގަޅު، އަދި ތަފާތު ވައްތަރުގެ ބޭކްސް އަދި ޕޭސްޓްރީ ލިބޭ ބޭކަރީއެއް ގާއިމުކުރުމަށްށެވެ. އަދި ސަންފާ ނަޒާހަތު އަހުމަދު ގްރާންޓް ދޫކޮށްފައިވަނީ ނައިފަރުގައި ފިޒިކަލް ރިހެބިލިޓޭޝަންގެ ޚިދުމަތް ގާއިމުކުރުމަށެވެ.
ބީއެމްއެލްގެ ސީއީއޯ އަދި މެނޭޖިންގ ޑައިރެކްޓަރު ކާރލް ސްޓުމްކަ ވަނީ، މޮޅު ޕިޗްތަކާއެކު މި ގްރާންޓް ކާމިޔާބުކުރި ފަރާތްތަކުގެ ހުށަހެޅުންތަކުގެ ފެންވަރަށް ސާބަސް ދެއްވާފައެވެ. އަދި މި ވިޔަފާރިތަކަށް އެހީތެރިކަން ފޯރުކޮށްދެއްވުމަކީ ފަޚުރުވެރިވެވަޑައިގަންނަވާ ކަމެއްކަމަށާއި، އެ ކުންފުނިން ދެކެން ބޭނުންވަނީ މުޖުތަމައަށް ހެޔޮ ބަދަލުތަކެއް އައިސް، މި ވިޔަފާރިތަކުގެ ސަބަބުން އައު ފުރުސަތުތަކެއް ފަހިވާ މަންޒަރުކަމަށް އޭނާ ފާހަގަކުރެއްވިއެވެ.
ސްޓާޓަޕް ގްރާންޓް ކާމިޔާބުކުރި ފަރާތްތައް ހޮވާފައިވަނީ ދެ މަރުހަލާއަކަށް ބަހާލައިގެން ގެންދެވުނު ވަރަށް ވާދަވެރި އިވެލުއޭޝަން ޕްރޮސެސްއަކަށްފަހުއެވެ. ފުރަތަމަ މަރުހަލާގައި ބިޒްނަސް ޕްލޭންތައް އިވެލުއޭޓް ކުރުމަށްފަހު، އެންމެ ރަނގަޅުކަމަށް ފާހަގަކުރެވުނު 10 ފަރާތްވަނީ ޝޯޓްލިސްޓް ކޮށްފައެވެ. އަދި ދެވަނަ މަރުހަލާގައި ޝޯޓްލިސްޓްވި ފަރާތްތަކުން އެފަރާތުގެ ވިޔަފާރިއާގުޅޭ ޕްރެޒެންޓޭޝަން އިވެލުއޭޝަން ކޮމިޓީއަށް ހުށަހަޅާފައިވާކަމަށް ބީއެމްއެލްއިން ބުނެއެވެ.
