ކ. މާލެ
|
21 ޖުލައި 2017 | ހުކުރު 03:20
ރީތިރަށް އަދި ކޮށްދިއްޕަރު ބައްދަލުކުރި މެޗުގެ ތެރެއިން
ރީތިރަށް އަދި ކޮށްދިއްޕަރު ބައްދަލުކުރި މެޗުގެ ތެރެއިން
ވީއޭއެމް
އިންޓަ ރިސޯޓު ވޮލީ މުބާރާތް
އިންޓަ ރިސޯޓު ވޮލީބޯޅަ މުބާރާތް: ރީތި ރަށް ބަލިކޮށް ކޮށްދިއްޕަރު ފެށުން ރަނގަޅުކޮށްފި
 
ކޮށްދިއްޕަރުން މެޗު ކާމިޔާބުކުރީ ތިން ސެޓް އެއް ސެޓުން
 
މެޗުގެ މޮޅު ކުޅުންތެރިޔަކަށް ހޮވުނީ ކޮށްދިއްޕަރުގެ އާދަމް ނަސީމް

ވޮލީބޯލް އެސޯސިއޭޝަނުން އިންތިޒާމުކޮށްގެން ބާއްވާ 18 ވަނަ އިންޓަ ރިސޯޓު ވޮލީބޯޅަ މުބާރާތުގައި ވަން އެންޑް އޮންލީ ރީތިރަށް ރިސޯޓު ބަލިކޮށް ގްރޭންޑް ޕާކް ކޮށްދިއްޕަރުން ފެށުން ރަނގަޅުކޮށްފި އެވެ.

 

ބުރާސްފަތި ދުވަހު މުބާރާތް ހުޅުވުމުގެ ގޮތުން ކުޅުނު މެޗު ރީތި ރަށާ ވާދަކޮށް ކޮށްދިއްޕަރުން މެޗު ކާމިޔާބުކުރީ ފަހަތުން އަރާ ތިން ސެޓް އެއް ސެޓުންނެވެ.

 

މެޗުގެ ފުރަތަމަ ސެޓު ފޯރިގަދަ ކުޅުމަކަށްފަހު ރީތި ރަށުން ކާމިޔާބުކުރީ 22-25 އިންނެވެ. އެހެންނަމަވެސް ކޮށްދިއްޕަރުން ވަނީ ކުޅުން ރަނގަޅުކޮށް ދެވަނަ ސެޓް 15-25 އިން ކާމިޔާބުކޮށްފައެވެ. ތިންވަނަ ސެޓްވެސް ވާދަވެރި ކުޅުމަކަށްފަހު 23-25 އިން ކޮށްދިއްޕަރުން ވަނީ ކާމިޔާބުކޮށްފައެވެ. ހަތަރު ވަނަ ސެޓް ފަސޭހަކަމާއެކު 17-25 އިން ނަގާ ކޮށްދިއްޕަރުން ވަނީ މެޗު ކާމިޔާބުކޮށްފައެވެ.  

 

މެޗުގެ މޮޅު ކުޅުންތެރިޔަކަށް ހޮވިފައިވަނީ ކޮށްދިއްޕަރުގެ އާދަމް ނަސީމް އެވެ. އޭނާ ވަނީ މެޗުގައި މޮޅު ކުޅުމެއް ދައްކާފައެވެ.

 

ޖުމްލަ ފަސް ޒޯން ހިމެނޭ މި މުބާރާތުގައި މިފަހަރު 21 ޓީމު ވާދަކުރާއިރު، އަލަށް ބައިވެރިވި ޓީމުތައްވެސް ހިމެނެއެވެ. އެހެން މުބާރާތްތަކާ ހިލާފަށް މިފަހަރު މުބާރާތުގައި ކޮންމެ ޓީމަކަށްވެސް ކުޅެވޭނީ ގައުމީ ޓީމުގައި ހިމެނޭ ދެ ކުޅުންތެރިންނަށެވެ.

އެންމެ ފަހުން އަޕްޑޭޓް ކުރީ: 4 ހަފްތާ ކުރިން
ރިވިއު ކުރީ: އަބުދުﷲ ނަސީރު އިބްރާހިމް
0%
100%
0%
0%
0%
0%
ކޮމެންޓް