ލަމްހާއާއި މާވިންއަށް ކުރާ ދައުވާ: އިޖުރާއީ ކަމެއް ސާފު ކުރުމަށް ހެކިބަސް ނެގުން އެހެން ދުވަހަކަށް ފަސްކޮށްފި
ދައުލަތުން ވަނީ ބައެއް ހެކިންގެ ހެކިބަސް މިހާރު ނަގަން ބޭނުންނުވާކަމަށް ބުނެފައި
މޭރީ ހަށިގަނޑު ހޮސްޕިޓަލަށް ގެންދިޔަފަހުން މާވިންއާ ލަމްހާ އެކުގައި ތިބެގެން ފޯނުން އެއްޗެއް ބެލި: ހެކިވެރިޔާ
އައިޖީއެމްއެޗްގައި މަސައްކަތް ކުރަމުން ދިޔަ ފިލިޕީންސްގެ އަންހެން ނަރުހެއް ކަމަށްވާ މޭރީ ގްރޭސްގެ މަރުގެ މައްސަލައިގައި، އޭނާގެ ފިރިމީހާ މާވިން އެސްވައި ވާރގަސް އާއި އޭނާގެ ލޯބިވެރިޔާ ހަލީމަތު ލަމްހާގެ މައްޗަށް ހިންގާ ޝަރީއަތުގެ ހެކިބަސް ނެގުމުގެ އަޑުއެހުމެއް އަންގާރަ ދުވަހު ކްރިމިނަލް ކޯޓުގައި ކުރިއަށް ގެންގޮސްފިއެވެ.
މި އަޑުއެހުމުގައި 3 ހެއްކެއްގެ ހެކިބަސް ނެގުމަށް ތާވަލު ކުރެވިފައި އޮތެވެ.
އެހެންނަމަވެސް، އޭގެ ތެރެއިން ދެ ހެއްކަކާއި ގުޅޭގޮތުން ދިފާއުން ވަނީ ބައެއް ކަންކަން ފާހަގަ ކުރައްވާފައެވެ. އެގޮތުން ބައެއް ލިއެކިއުންތައް ދިފާއަށް ލިބިފައިވޭތޯ ކަށަވަރު ކުރުމަށް އެ ހެކިންގެ ހެކިބަސް ނެގުން ވަނީ އެހެން ދުވަހަކަށް ފަސްކޮށްފައެވެ.
އަދި މި މައްސަލައިގެ ދައުވާ ފޯމަށް ގެނެސްފައިވާ އިސްލާޙުތަކާއި ގުޅޭގޮތުން ބަލަންޖެހޭ ކަންކަން ބެއްލެވުމަށްފަހު، ހެކިބަސް ނެގުން ކުރިއަށް ގެންދިއުމަށް ގާޒީ ވަނީ ނިންމަވާފައެވެ.
މި މައްސަލައިގައި އަދިވެސް ދައުލަތުގެ އިތުރު ހެކިންތަކެއްގެ ހެކިބަސް ނެގުން ކުރިއަށް އެބައޮތެވެ.
ދައުލަތުން ވަނީ އޭގެ ތެރެއިން ބައެއް ހެކިންގެ ހެކިބަސް މިހާރު ނަގަން ބޭނުންނުވާކަމަށް ބުނެފައެވެ. އެ ފަރާތްތަކަކީ ކޮބައިކަން ލިއުމުން ކޯޓަށް އަންގާނެކަމަށްވެސް ދައުލަތުގެ ވަކީލު ވިދާޅުވިއެވެ.
