މަޑަވެލި ކެމްޕެއިން ޖަލްސާ ސަރަހައްދުގައި ރޯކޮށްލައި، ތަނަށާއި ތަކެއްޗައް ގެއްލުން ދިނުން އެމްޑިޕީން ކުށްވެރިކޮށްފި
ގދ މަޑަވެލީގައި ބޭއްވި ބަނދަރު ބައްދަލުވުމުގައިވެސް އެމްޑީޕީން ވަނީ އެކަން ކުށްވެރިކޮށްފައި
މަޑެވެލީގައި އެމްޑީޕީގެ ޖަލްސާ ބާއްވަން ހަމަޖެހިފައި އޮތްތަނެއްގައި ރޯކޮށްލުން
ގދ. މަޑަވެލި ކެމްޕެއިން ޖަލްސާ ސަރަހައްދުގައި ރޯކޮށްލައި، ތަނަށާއި ތަކެއްޗައް ގެއްލުން ދިނުން އެމްޑިޕީން ކުށްވެރިކޮށްފިއެވެ.
އެމްޑީޕީން ނެރުނު ބަޔާނެއްގައި ބުނީ، އެމްޑީޕީ ކޯލިޝަންގެ ކެންޑިޑޭޓްގެ ރިޔާސީ ކެމްޕެއިންގައި ގދ. މަޑަވެލީގައި ކެމްޕެއިން ޖަލްސާަަށް ތައްޔާރުކޮށްފައިވާ ސަރަހައްދުގައި ރޯކޮށް ތަނަށާއި ތަކެއްޗައް ގެއްލުންދީފައިވާތީ އެކަން ހަރު އަޑުން ކުށްވެެރިކުރާ ކަމަށެވެ.
ކެމްޕެއިން ކުރުމަކީ ކޮންމެ ކެންޑިޑޭޓަކަށްވެސް އެއްވެސް ބިރުވެރިކަމެއްނެތި، މިނިވަންކަމާއެކީ ކުރެވެންޖެހޭނެ ކަމެއްކަމަށްވެސް އެމްޑީޕީން ބުނެފައިވެއެވެ.
އޭގެ އިތުރުން، އެއްވެސް ކެންޑިޑޭޓެއްގެ ކެމްޕެއިނެއް ކުރިއަށްދާ ވަގުތު އެ ކެމްޕެއިނަށް ހުރަސްއެޅޭ ގޮތަށް އެއްވެސް ހަރަކާތެއް ހިންގުމަކީ އިންތިހާބުތަކާބެހޭ އާއްމު ގާނޫނުގެ ދަށުން މަނާކަމެއްކަންވެސް އެ ޕާޓީން ފާހަގަކޮށްފައިވެއެވެ.
އަންގާރަ ދުވަހު ގދ މަޑަވެލީގައި ބޭއްވި ބަނދަރު ބައްދަލުވުމުގައިވެސް އެމްޑީޕީން ވަނީ އެކަން ކުށްވެރިކޮށްފައެވެ.
ވުމާއެކު، އެފަދަ ކަންކަން ވާދަވެރި އެހެން ކެންޑިޑޭޓުންނާއި އެ ކެންޑިޑޭޓުންނަށް ތާއީދުކުރާ ފަރާތްތަކުން ހުއްޓާލާ، އެ ބައެއްގެ ކެންޑިޑޭޓުގެ ކެމްޕެއިން މަސައްކަތައިގެން ކުރިއަށް ދިއުމަށް އެމްޑީޕީން ވަނީ އިލްތިމާސްކޮށްފައެވެ.
