އިލެކްޝަންސް ކޮމިޝަންގެ ރައީސް ފުވާދު ތައުފީޤު ގެ ދަރިކަލުން އަހުމަދު ފުވާދު ނިޔާވެއްޖެއެވެ.
އެކަމާ ގުޅޭގޮތުން އީސީގެ ނައިބްރައީސް އިސްމާއިލް ޙަބީބް ވިދާޅުވީ، އަހުމަދު ފުވާދު ނިޔާވެފައިވަނީ ހޯމަ ދުވަހުގެ ހެނދުނު އިންޑިއާގެ ޓްރިވެންޑްރަމްގައި ކަމަށެވެ.
ފުވާދުގެ ހަތަރު ދަރިން ތިއްބަވާއިރު، އަހުމަދު ފުވާދަކީ ދެވަނައަށް އެންމެ ދޮށީ ދަރިއެވެ. ނިޔާވިއިރު އުމުރަކީ 47އެވެ.
ޙަބީބް ވިދާޅުވީ، ފުވާދުގެ އާއިލާއަށް ކެތްތެރިކަން މިންވަރު ކުރެއްވުމަށް ދުއާ ކުރައްވާ ކަމަށެވެ.
މާތް ﷲ މައްޔިތާގެ ފުރާނައަށް ހެޔޮ ރަޙުމަތް ލައްވައި އާއިލާއަށް ކެތްތެރިކަން ދެއްވުމަށް މި ދަނޑިވަޅުގައި އެދެމެވެ.
