ސާފަށް ތައްޔާރުވުމަށް ގައުމީ ޓީމު ޖަޕާނަށް، އަމާޒަކީ ދިވެހިން ހެއްވައިލުން
5 ޖޫން 2023 | ހޯމަ 10:35ސާފުގައި ބައިވެރިވުމަށް އިންޑިއާއަށް ދިއުމަށް ހަމަޖެހިފައިވަނީ މި މަހު 15 ވަނަ ދުވަހު
ސާފު ޗެމްޕިއަންޝިޕުގައި ބައިވެރިވާ ގައުމީ ޓީމު
މި މަހު 21ގައި ފެށުމަށް ހަމަޖެހިފައިވާ ސާފު ޗެމްޕިއަންޝިޕަށް ތައްޔާރުވުމަށްޓަކައި ޓްރެއިނިން ކޭމްޕެއް ބޭއްވުމަށް ގައުމީ ޓީމު ޖަޕާނަށް ފުރައިފިއެވެ.
ޖަޕާން ފުޓުބޯޅަ އެސޯސިއޭޝަންގެ އެހީތެރިކަމާއެކު ބާއްވާ މި ޓްރެއިނިން ކޭމްޕު ކުރިޔަށްދާނީ 10 ދުވަހަށެވެ. ލީގު މެދުކަނޑައިލުމަށްފަހު 30 ކުޅުންތެރިންނާއެކު ގައުމީ ޓީމުގެ ފަރިތަކުރުން ފަށާފައިވަނީ 21 މެއިގައެވެ. އަދި 30 ކުޅުންތެރިންނާއެކު ފަރިތަކުރުމަށްފަހު، ޖަޕާނަށް ދަތުރުކޮށްފައިވަނީ ސާފުގައި ބައިވެރިވާނެ 23 ކުޅުންތެރިންގެ ޓީމެވެ. ޖަޕާނުގައި ފަރިތަކުރުންތައް ނިންމުމަށްފަހު، ޕްރެކްޓިސް މެޗެއް ކުޅުމަށްވެސް ވަނީ ހަމަޖެހިފައެވެ.
10 ދުވަހުގެ ޓްރެއިނިން ކޭމްޕު ނިންމުމަށްފަހު ގައުމީ ޓީމު ސާފުގައި ބައިވެރިވުމަށް އިންޑިއާއަށް ދިއުމަށް ހަމަޖެހިފައިވަނީ މި މަހު 15 ވަނަ ދުވަހުއެވެ. ޓީމުގެ މެނޭޖަރަކަށް އަބްދުﷲ ޝިބާއު (ޝިބާ) ހުރިއިރު، ޓީމުގެ ކޯޗަކީ ފްރެންޗެސްކޯ މޮރިއޭރޯއެވެ.
ނޫސްވެރިންނަށް ދެއްވި އިންޓަވިއުގައި ޝިބާއު (ޝިބާ) ބުނީ، ޓީމު އޮތީ ގައުމަށް ރީތި ނަން ހޯދައިދިނުމަށް ތައްޔާރަށްކަމަށާއި، އަޒުމަކީ ދިވެހި ސަޕޯޓަރުން ހެއްވައިލުންކަމަށެވެ. އޭނާ އިތުރަށް ބުނީ ޓީމުގެ ފޯކަސް ހުރީ ފަހަރަކު މެޗަކުން މޮޅުވަމުންގޮސް މުބާރާތް ކާމިޔާބުކުރުމަށް ކަމަށެވެ.
ސާފު ޗެމްޕިއަންޝިޕުގައި ރާއްޖެ ހިމެނިފައިވަނީ ބޫޓާން، ބަންގްލަދޭޝް އަދި ލުބުނާނާއެކު، ގުރޫޕު ބީގައެވެ.
