މާޅޮހު ބަނދަރު ހެދުމަށް ބޮޑުހިލައިގެ 5 ވަނަ ޝިޕްމެންޓް ގެންގޮސްފި
މިހާރު ކުރިއަށްދަނީ ޖެޓީގެ ބީމް ޝަޓަރިންގ މަސައްކަތް
މާޅޮހަށް ގެންދިޔަ ބޮޑުހިލައިގެ ޝިޕްމެންޓް
އއ. މާޅޮސް ބަނދަރު ތަރައްޤީ ކުރުމުގެ މަޝްރޫޢުގެ މަސައްކަތަށް ބޭނުންވާ ބޮޑުހިލައިގެ ފަސްވަނަ ޝިޕްމެންޓް ޕްރޮޖެކްޓް ސައިޓަށް ގެންގޮސްފިއެވެ.
މި މަސައްކަތް ކުރިއަށްގެންދާ ކުންފުނި މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނީ ސައިޓުގައި މިހާރު ކުރިއަށްދަނީ ޖެޓީގެ ބީމް ޝަޓަރިންގ މަސައްކަތް ކަމަށެވެ.
މި މަޝްރޫޢުގެ ދަށުން، 24،335 ކިއުބިކް މީޓަރު ކޮނުމާއި، 394 މީޓަރުގެ ސަރަޙައްދެއްގައި އެއްގަމުތޮށި ލުމާއި، 407 މީޓަރުގެ ސަރަޙައްދެއްގައި ބޭރުތޮށި ލުމާއި، 56 މީޓަރުގައި ގްރޮއިންސް ޖެހުމާއި، 100 މީޓަރުގެ ރިވެޓްމެންޓް ޖެހުމާއި، 1970 އަކަ މީޓަރުގެ ސަރަޙައްދެއްގައި ޕޭވްމަންޓް ހެދުމާއި، ބަނދަރު ސަރަޙައްދުގައި ބައްތި ހަރުކުރުމުގެ މަސައްކަތް ހިމެނެއެވެ.
މިއީ 61.3 މިލިއަން ރުފިޔާގެ މަޝްރޫއެކެވެ.
