ޕެނަލްޓީއަކުން މޮޅުވެ ސިޓީން ފަރަގު ދެ ޕޮއިންޓަށް ކުޑަކޮށްފި
ސިޓީއާއި އާސެނަލްއާ ދެމެދު އޮތީ ދެ ޕޮއިންޓްގެ ފަރަގެއް
މެޗަށްފަހު ކޯޗު ގާޑިއޯލާއާއި ހާލާންޑް
ޕެނަލްޓީއަކުން މޮޅުވެ, މެންޗެސްޓަރ ސިޓީން ފަރަގު ދެ ޕޮއިންޓަށް ކުޑަކޮށްފިއެވެ.
އެއްވަނާގައި އޮތް އާސެނަލްއާ ދެމެދު އޮތް ފަރަގު ދެ ޕޮއިންޓަށް ސިޓީން ކުޑަކުރީ މެޗެއް އިތުރަށް ކުޅެގެންނެވެ. ކްރިސްޓަޕް ޕެލަސްގެ ދަނޑުގައި އުނދަގޫތަކަކަށްފަހު ސިޓީ މޮޅުވީ 1-0 ނެވެ. މެޗުގެ ހަމައެކަނި ގޯލު ހާލާންޑް ޖެހީ ޕެނަލްޓީއަކުންނެވެ. އޭރިޔާ ތެރެއިން ގުންޑޮގާންއަށް ކުރި ފައުލަށް ރެފްރީ ދިން ޕެނަލްޓީ ހާލާންޑް ފޮނުވާލީ ކަނަށެވެ. މިއީ ލީގުގައި އޭނާގެ 28 ވަނަ ގޯލެވެ. ޕެނަލްޓީގެ ފަހުންވެސް ދެވަނަ ގޯލެއް ޖަހަން ހާލާންޑަށް ފުރުޞަތު ލިބުނަސް ބޭނުމެއް ނުކުރެވުނެވެ.
މެޗުން މޮޅުވެ މެންޗެސްޓަރ ސިޓީ ދެވަނާގައި އޮތީ 27 މެޗުން 61 ޕޮއިންޓާއެކުއެވެ. އާސެނަލް އެއްވަނާގައި އޮތީ 26 މެޗުން 63 ޕޮއިންޓާއެކުއެވެ. އާސެނަލްއަށް ކުރިއަށް އޮތީ ފުލަމްއާ ވާދަކުރާ މެޗެވެ. ސިޓީއަތުން ބަލިވި މެޗާއެކު, ކްރިސްޓަލް ޕެލަސް މޮޅެއް ނުލިބި 10 މެޗު ފުރިހަމަ ކުރަން ޖެހުނީއެވެ. އެޓީމް އޮތީ ރެލިގޭޝަނަށްވުރެ ހަތަރު ޕޮއިންޓް ކުރީގައެވެ.
