އެމްޑަބްލިއުއެސްސީގެ ލެބް އިކުއިޕްމަންޓް ކެލިބްރޭޝަން ސާވިސް ތައާރަފްކޮށްފި
22 ފެބުރުއަރީ 2023 | ބުދަ 08:36އިކުއިޕްމަންޓް ކެލިބްރޭޓް ކުރުމަކީ ބައިނަލްއަގްވާމީ ގޮތުން ލެބް އިކުއިޕްމަންޓުތަކުގައި ކޮންމެހެން ކުރަންޖެހޭ ކަމެއް
އެމްޑަބްލިއުއެސްސީގެ ލެބް އިކުއިޕްމަންޓް ކެލިބްރޭޝަން ސާވިސް ތައާރަފްކުރުން
އެމްޑަބްލިއުއެސްސީގެ ލެބް އިކުއިޕްމަންޓް ކެލިބްރޭޝަން ސާވިސް ތައާރަފްކޮށްފިއެވެ.
މި ހިދުމަތް ތައާރަފްކޮށްދެއްވީ އެ ކަމަށް ޓަކައި ބޭއްވި ހާއްސަ ރަސްމިއްޔާތެއްގައި ފިޝަރީޒް މިނިސްޓަރު ޑރ. ހުސައިން ރަޝީދު ހަސަންއެވެ. މި ރަސްމިއްޔާތުގައި ވާހަކަ ދައްކަވަމުން އެމްޑަބްލިއުއެސްސީގެ މެނޭޖިން ޑިރެކްޓަރު ހަސަން ޝާހު ވިދާޅުވީ މި ހިދުމަތަކީ ދިވެހިރާއްޖޭގެ އެކި ކަންކޮޅުތަކުގައި ޔުޓިލިޓީގެ ހިދުމަތް ހިންގާ ކުންފުނިތަކުން ރައްޔިތުންނަށް ފޯރުކޮށްދޭ ފެނާއި ނަރުދަމާގެ ހިދުމަތުގެ ރައްކާތެރިކަން ކަށަވަރު ކުރުމަށް ޓަކައި ވަރަށް ބޭނުންތެރި ހިދުމަތެއް ކަމަށެވެ. މި ހިދުމަތަކީ އެކި ތަހުލީލުތައް ހެދުމަށް ޓަކައި ލެބޯޓަރީގައި ބޭނުންކުރެވޭ އިކުއިޕްމަންޓް އެއްވެސް މައްސަލައެއް ހުރިތޯ ދެނެގަތުމަށް ޓަކައި ތައާރަފްކުރެވޭ ހިދުމަތެއް ކަމަށް ވެސް ޝާހު ވިދާޅުވިއެވެ.
އިތުރަށް ޝާހު ވިދާޅުވީ މި ހިދުމަތް ލިބިގަތުމުގައި ކަސްޓަމަރުންނަށް ފަސޭހަ އިންތިޒާމުތަކެއް ހަމަޖެހިފައި އޮތުމަކީ ރައްޔިތުންނަށް ފައިދާކުރާނެ ކަމެއް ކަމަށާއި އެހެންކަމުން ލެބް އިކުއިޕްމަންޓް ކެލިބްރޭޓްކުރުމުގެ ހިދުމަތް ކަސްޓަމަރުންނަށް ފަސޭހަކަމާއެކު ފޯރުކޮށްދިނުމުގެ ގޮތުން މި ހިދުމަތް ފޯރުކޮށްދޭ އިކުއިޕްމަންޓްތަކާއި ޕެރިމީޓާސްތަކުގެ ތެރެއިން ކަސްޓަމަރުންނަށް ބޭނުންވާނޭހެން އެކި ޕެކޭޖްތައް ތައްޔާރު ކުރެވިފައިވާ ކަމަށެވެ. އަދި މި ހިދުމަތް ފޯރުކޮށްދޭނީ ތަޖުރިބާ ލިބިފައިވާ ސައްތައިންސައްތަ ދިވެހީންކަމަށް ވެސް އޭނާ ވިދާޅުވިއެވެ.
