ކ. މާލެ
|
21 ޖެނުއަރީ 2023 | ހޮނިހިރު 20:23
ގްރީން ޓީ
ގްރީން ޓީ
ގެޓީ އިމޭޖަސް
ގްރީން ޓީގެ ފައިދާ
ގްރީން ޓީ - ޓީ ގެ ރަސްގެފާނު
 
ގްރީން ޓީ ބުއިމަކީ ބަރުދަން ލުއިކޮށްދޭ ކަމެއް
 
1191 ވަނަ އަހަރު ޖަޕާނަށް ގްރީން ޓީ ތައާރަފް ވެގެން ދިޔަ
 
ގްރީން ޓީއަކީ ނުހަނު މަޤްބޫލު އެއްޗެއް

ގިނަ މީހުން ސިފަ ކުރާ ގޮތުގައި ގްރީން ޓީއަކީ ޓީ ގެ ރަސްގެފާނެވެ. އެކި މީހުން މި ސައި ބޮއި އުޅެނީ އެކި ސަބަބުތަކާހުރެއެވެ.

ގްރީން ޓީ އުފެދިގެން އައީ ހިމާލަޔާ ފަރުބަދަތައް ހުންނަ ސަރަޙައްދުގައި ހުންނަ ބިޔަ ގަަސްތަކަކުން ކަމަށްވެއެވެ. އެހެންނަމަވެސް މިހާރު ފެންނަ ގަސްގަނޑުތަކުގެ ގޮތުގައި މުޑުވަށްކޮށްގެން ގްރީން ޓީ ގަސް އާލާކުރީ އިހުގެ ޗައިނާ މީހުންކަމަށް ބުނެ އުޅެއެވެ. އެއީ އެމީހުންނަށް ގްރީން ޓީ ގެ ފައިދާތައް އެނގުނު ހިސާބުންނެވެ.

12 ވަނަ ޤަރުނުގައި ޗައިނާ މީހުން ސައިގެ ބާވަތްތައް އެކްސްޕޯޓު ކުރިއިރު، ގްރީން ޓީއަކީވެސް ނުހަނު މަޤްބޫލު އެއްޗެކެވެ.

ހަމައެކަނި ޗައިނާއެއް ނޫނެވެ. ދުނިޔޭގެ އެހެން ޤައުމުތަކުގައިވެސް ގްރީން ޓީގެ މަޤްބޫލުކަން ދުވަހެއް ދުވަހަކަށް ދިޔައީ އިތުރުވަމުންނެވެ. އެގޮތުން 1191 ވަނަ އަހަރު ޖަޕާނަށް ގްރީން ޓީ ތައާރަފް ވެގެން ދިއުމާއެކު، ޖަޕާނުގެ އާދަކާދައާއި ސަޤާފަތުގެ މުހިއްމު ބައެއްގެ ގޮތުގައި މި ސައި ބުއިން ހިމެނިގެން ދިޔައެވެ.

ގްރީން ޓީ ބުއިމަކީ ބަރުދަން ލުއިކޮށްދޭ ކަމެއްކަމަށް "ދި ހެލްތް ބްލޮގް" ގެ ދިރާސާތަކުން ދައްކައެވެ. އިންޓަރނޭޝަނަލް ޖަރނަލް އޮފް އޮބީސިޓީއިން ބުނާ ގޮތުގައި، ގްރީން ޓީ ގައި ހުންނަ "ޕޮލީފިނޯލް" ކިޔާ މާއްދާއެއްގެ ސަބަބުން ހަށިގަނޑުގެ ތެރޭގައި ހޫނުކަން އުފައްދާ މިންވަރު އިތުރުވެ، އޭގެ ސަބަބުން ހަށިގަނޑުގެ ކެލޮރީތައް ވިރުވާލުމަށް އެހީއަކަށް ވެދެއެވެ.

ބަރުދަން ލުއި ކުރުމުގެ ތަޖުރިބާކާރުންނާއި ޑައިޓިޝަނުންވެސް އެއްބަސްވާ ގޮތުގައި، ގްރީން ޓީ ގެ މި ސިފަތަކުގެ ސަބަބުން ބަރުދަން ލުއި ކުރުމުގައި އެހީއަކަށްވެދެއެވެ.

1994 ވަނަ އަހަރު "ޖާނަލް އޮފް ދި ނެޝަނަލް ކެންސަރ އިންސްޓިޓިއުޓް" އިން ޝާއިއުކުރި ދިރާސާއެއްގެ ނަތީޖާ ދައްކާ ގޮތުގައި، ގްރީން ޓީ ބުއިމަކީ ކެންސަރުން ދުރުކޮށްދޭ ކަމެކެވެ. އެގޮތުން ޗައިނާގެ ރައްޔިތުންތަކެއް ހިމަނައިގެން ހެދި މި ދިރާސާގެ ނަތީޖާ ދައްކާ ގޮތުގައި، ގްރީން ޓީ ބޯ މީހުންގެ ކަރުތެރޭގެ ހޮޅީގައި ކެެންސަރު އުފެދޭ މިންވަރު 60 އިންސައްތަ ދަށް ކޮށްދެއެވެ.

ހަމައެއާއެކު، ގްރީން ޓީ ގައި ހިމެނޭ އެންޓި އޮކްސިޑެންޓެއްކަމަށްވާ "އީޖީސީޖީ" ގެ ސަބަބުން ކެންސަރު އުފައްދާ ސެލްތަކުގެ އިތުރުވުން ހުއްޓުވައި، އެފަދަ ސެލްތައް މަރާލުމަށް އެހީވެދެއެވެ. އޭގެ ނަތީޖާއެއްގެ ގޮތުން ހަށިގަނޑުގެ ދުޅަހެޔޮ ޓިޝޫތައް މަރާނުލައިވެސް، ކެންސަރު އުފައްދާ ސެލްތައް މަރާލުމަށް މަގުފަހިކޮށްދެއެވެ.

 

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: ފާޠިމަތު ޒުހައިރާ
50%
0%
0%
50%
0%
0%
ކޮމެންޓް