ސޯސަން ރޫޓުގެ ބަސް ދަތުރުތައް ވަގުތީ ގޮތުން މެދުކަނޑާލައިފި

މާލެ ސަރަހައްދުގައި އާރްޓީއެލް މިނީ ބަހުގެ ދަތުރުތައް ކުރިއަށްދާގޮތަށް ވަގުތީ ބަދަލުތަކެއް ގެނެސްފައިވާކަމަށް މޯލްޑިވްސް ޓްރާންސްޕޯޓް އެންޑް ކޮންޓްރެކްޓިން ކޮމްޕެނީ (އެމްޓީސީސީ) އިން ބުނެފިއެވެ.

އެމްޓީސީސީން ބުނީ ހެނދުނު 06:30 އިން 13:00 އަށް ގްރީން ޒޯން ސަރަހައްދުގެ މަގުތައް ބަންދުކުރުމަށް ހަމަޖެހިފައިވާކަން މޯލްޑިވްސް ޕޮލިސް ސަރވިސްއިން އަންގާފައިވާކަމަށެވެ.

އެހެންކަމުން އެކުންފުނި R12 (ސޯސަން ރޫޓް)ގެ ދަތުރުތައް މި ވަގުތުކޮޅަކަށް މެދުކަނޑާލެވިފައިވާކަމަށް އެމްޓީސީސީން ބުނެފައިވެއެވެ. އަދި R10 (އޯކިޑް ރޫޓް)ގެ ދަތުރުތައް މި ވަގުތައް މަޖީދީމަގަށް ވަނީ ބަދަލުކޮށްފައެވެ.

އެމްޓީސީސީން ބުނީ 13:00 ގައި މަގު ހުޅުވުމުން ހުރިހާ ރޫޓެއްގެ ދަތުރުތައްވެސް އާންމު ހާލަތަށް އަލުން އިއާދަ ކުރެވޭނެ ކަމަށެވެ.