ކ. މާލެ
|
12 ޖެނުއަރީ 2023 | ބުރާސްފަތި 22:41
ފީފާގެ އެންމެ މޮޅު ކުޅުންތެރިޔާއަށް ވާދަކުރާ 14 ކުޅުންތެރިން
ފީފާގެ އެންމެ މޮޅު ކުޅުންތެރިޔާއަށް ވާދަކުރާ 14 ކުޅުންތެރިން
ފީފާ
ފީފާ
ފީފާގެ މޮޅު ކުޅުންތެރިޔާއަށް، މެސީ، އެމްބާޕޭ އަދި ބެންޒެމާ ހިމެނޭހެން، 14 ކުޅުންތެރިޔަކު ނޮމިނޭޓްވެއްޖެ
 
އެވޯޑު ހަފްލާ އޮންނާނީ ފެބްރުއަރީ މަހުގެ 27 ވަނަ ދުވަހު

ދުނިޔޭގެ ފުޓުބޯޅައިގެ މައި އިދާރާ (ފީފާ)އިން ހޮވާ އެންމެ މޮޅު ފުޓުބޯޅަ ކުޅުންތެރިޔާގެ އެވޯޑަށް ވާދަކުރާ ކުޅުންތެރިންގެ ނަން އިއުލާންކޮށްފިއެވެ.

ބުރާސްފަތި ދުވަހުގެ ރޭ ފީފާއިން އާންމުކުރި ނޮމިނޭޝަން ލިސްޓުގައި 14 ކުޅުންތެރިޔަކު ހިމެނެއެވެ. އެއީ އާޖެންޓީނާއާއެކު ވޯލްޑް ކަޕް ކާމިޔާބުކުރި ލިއޮނަލް މެސީއާއި ހޫލިއަން އަލްވާރޭޒްގެ އިތުރުން، ފްރާންސްގެ ކީލިއަން އެމްބާޕޭ، ކަރީމް ބެންޒެމާ، އިންގްލެންޑުގެ ޖޫޑް ބެލިންހަމް، ބެލްޖިއަމްގެ ކެވިން ޑިބްރޭނާ، ނޮވޭގެ އާލިން ހާލަންޑް، މޮރޮކޯގެ އަޝްރަފް ހަކީމީ، ޕޮލެންޑުގެ ރޮބާޓް ލެވަންޑޯސްކީ، ސެނެގާލްގެ ސަޑިއޯ މާނޭ، މުހައްމަދު ސަލާހު، ކްރޮއޭޝިއާގެ ލޫކާ މޮޑްރިޗް، ބްރެޒިލްގެ ނޭމާ ޖޫނިއަރ އަދި ވިނީޝިއަސް ޖޫނިއަރއެވެ.

ފިރިހެން އެންމެ މޮޅު ކޯޗަށް ވާދަކުރަނީ އާޖެންޓީނާއާއެކު ވޯލްޑް ކަޕް ކާމިޔާބުކުރި ލިއޮނަލް ސްކަލޯނީގެ އިތުރުން، ރެއާލް މެޑްރިޑުގެ ކާލޯ އަންޗެލޮޓީ، ފްރާންސްގެ ޑިޑިއޭ ޑެޝޯމްޕްސް، މެންޗެސްޓަރ ސިޓީގެ ޕެޕް ގާޑިއޯލާ އަދި މޮރޮކޯގެ ކޯޗު ވަލީދު ރެގްރަގުއިއެވެ. އެންމެ މޮޅު ކީޕަރުންނަށް ވާދަކުރަނީ އާޖެންޓީނާއާއެކު ވޯލްޑް ކަޕް ކާމިޔާބުކުރި އެމިލިއާނޯ މާޓިނޭޒްގެ އިތުރުން ބްރެޒިލްގެ އެލިސަން ބެކާ، މޮރޮކޯގެ ޔާސިން ބޯނޯ، ބެލްޖިއަމްގެ ތިބައޫ ކޯޓުއާ އަދި ބްރެޒިލްގެ އެޑާސަންއެވެ.

މީގެ އިތުރުން ފީފާއިން މި އެވޯޑުތަކަށް ވާދަކުރާ ކުޅުންތެރިންގެ ތެރެއިން ގަދަ ތިން ކުޅުންތެރިން ހޮވާނެއެވެ. އެ ކުޅުންތެރިން އިއުލާންކުރާނީ ފެބްރުއަރީ މަހުގެ ކުރީކޮޅުއެވެ. އެވޯޑު ހަފްލާ އޮންނާނީ ފެބްރުއަރީ މަހުގެ 27 ވަނަ ދުވަހުއެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އައިޝަތު ރިޔާޒް
70%
0%
10%
10%
10%
0%
ކޮމެންޓް