ރާއްޖެ
ކުޑަކުދިންނަށް ކުރާ ޖިންސީ ގޯނާ
ކުޑަކުއްޖަކަށް ޖިންސީ ގޯނާ ކުރި މައްސަލައެއްގައި 28 އަހަރުގެ ބިދޭސީއަކު ހައްޔަރުކޮށްފި
17 އަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލަ އެއް ހޮނިހިރު ދުވަހު ވަނީ ފުލުހަށް ހުށަހަޅައިފައި
އިދުހާމް ނަޢީމް, ރާއްޖެ އެމްވީ | 7 ނޮވެމްބަރު 2022 | ހޯމަ 02:49
ޖިންސީ ގޯނާގެ އަނިޔާ
ކުޑަކުއްޖަކަށް ޖިންސީ ގޯނާ ކުރި މައްސަލައެއްގައި 28 އަހަރުގެ ބިދޭސީއަކު ހައްޔަރުކޮށްފިއެވެ.
ފުލުހުން ބުނީ ހއ. ހަދ. އަދި ށ. އަތޮޅު ހިމެނޭހެން ރަށެއްގައި 17 އަހަރުގެ ކުޑަ އަންހެން ކުއްޖަކަށް ޖިންސީ ގޯނާ ކުރިކަމަށް ތުހުމަތު ކުރެވޭ މައްސަލައެއް މިދިޔަ ހޮނިހިރު ދުވަހު ހުށަހަޅާފައިވާ ކަމަށެވެ. އެ މައްސަލަ ހުށަހަޅާފައިވަނީ ހޮނިހިރު ދުވަހުގެ ރޭ 9:43 ގައެވެ.
ފުލުހުން ބުނީ މި މައްސަލައާ ގުޅިގެން 28 އަހަރުގެ ބިދޭސީ ފިރިހެނަކު ފުލުހުންގެ ބެލުމުގެ ދަށަށް ގެންގޮސްފައިވާ ކަމަށެވެ.
މި މައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
