ރިވައިވަލް ސްޕޯރޓްސްގެ ޓީމް އިންޑިޔާ މުބާރާތަކަށް!

ރިވައިވަލް ސްޕޯރޓްސްގެ ކުޅުންތެރިން އިންޑިޔާގައި އޮންނަ މުބާރާތަކަށް ފުރައިފިއެވެ.

ރިވައިވަލްގެ ކުޅުންތެރިން ވާދަކުރަނީ އިންޑިޔާގެ މަހާރާޝްތުރަ ޗެލްންޖް ބެޑްމިންޓަން މުބާރާތުގައެވެ. މުބާރާތުގައި ވާދަކުރަނީ ރިވައިވަލްގެ ކެޕްޓަން އަހުމަދު ތޯއިފް މުޙައްމަދާއި, ހައިޝަމް އިބްރާހީމްއާއި, ރިޝްވާން ޝިޔާމްއާއި, ޒަޔާން ޒަކީއެވެ. ޓީމްގެ ކޯޗަކީ ނަޝްފާން މުޙައްމަދެވެ. މުބާރާތް އޮންނާނީ މިމަހުގެ 13-18 އަށެވެ.

މުބާރާތަށްފަހު ތޯއިފް ދާނީ ރިވައިވަލްއިން ދޭ ސްކޮލަރޝިޕެއްގެ ދަށުން ތަމްރީނު ހޯދުމަށެވެ. އެއް އަހަރުގެ ސްކޮލަރޝިޕްގެ ދަށުން ތޯއިފް ތަމްރީނު ހޯދާނީ އިންޑިއާގެ ހައި ޕާފޯމަންސް ޓްރެއިނިން ސެންޓަރެއްގަ އެވެ. މިއީ އަންނަ އަހަރު އޮންނަ އިންޑިޔަން އޯޝަން އައިލެންޑް ގޭމްސްއާއި, ސައުތް އޭޝިޔަން ގޭމްސްއިން މެޑަލް ހޯދުމަށް އަމާޒުކޮށްގެން ތޯއިފްއަށް ހޯދައިދިން ފުރުޞަތެކެވެ.