ތާރީހަށް ބަލާއިރު ހިޔާލުތަފާތުވުމާއި ނަފްރަތުގެ ތެރެއިން ރާއްޖެއަށް ބޮޑެތި ގެއްލުންތަކެއް ލިބިފައިވޭ: ޒަކަރިއްޔާ
12 ސެޕްޓެމްބަރު 2022 | ހޯމަ 05:35ރާއްޖޭގައި ނަފްރަތާއި ހިޔާލުތަފާތުވުމުގެ ސަބަބުން ހަމަލާތައް ދީފައި އެބަހުރި: ޒަކަރިއްޔާ
ވިއަވަތި ރާއްޖެ މަހާސިންތާގެ ތެރެއިން
ތާރީހަށް ބަލާއިރު ހިޔާލުތަފާތުވުމާއި ނަފްރަތުގެ ތެރެއިން ރާއްޖެއަށް ބޮޑެތި ގެއްލުންތައް ލިބިފައި އެބަ ހުރި ކަމަށް ނެޝަނަލް ކައުންޓާ ޓެރަރިޒަމް ސެންޓަރު (އެންސީޓީސީ) ގެ ޑިރެކްޓަރު ޖެނެރަލް ޒަކަރިއްޔާ މަންސޫރު ވިދާޅުވެއްޖެއެވެ.
"ވިއަވަތި ރާއްޖެ" މަހާސިންތާގެ ތެރެއިން "ރާއްޖެ އެމްވީ" އަށް ދެއްވި ބަސްތީގަތުމެއްގައި ޒަކަރިއްޔާ ވަނީ އެ މަހާސިންތާގައި ހަރުކަށި ފިކުރު ފެތުރުން ހުއްޓުވުމަށް ކުރެވިދާނެ ކަންކަމާއި ގުޅޭ ގޮތުން މައުލޫމާތު ހިއްސާކުރައްވާފައިވާނެކަމަށް ވިދާޅުވެފައެވެ. އަދި އެ މައްސަލަ ހައްލުކުރުމަށް ވަރަށް ބޮޑަށް އުންމީދުކުރައްވާ ކަމަށާއި އެ މަސައްކަތް ކުރެވޭނީ ކަމާއި ބެހޭ އިދާރާތަކާއި އާއްމުންނާއި ކައުންސިލްތައް ގުޅިގެން ކުރާ މަސައްކަތުން ކަމަށް ޒަކަރިއްޔާ ވިދާޅުވިއެވެ. ދ.އަތޮޅުން ފެށިގެން އައްޑޫގެ ކައުންސިލަތުން ހިމެނޭހެން މިހާރު ކުރިއަށްދާ ވިއަވަތި މަހާސިންތާގައި މި މައުޟޫއަށް ދެކެވުނު ވާހަކަތަކުގެ ނަތީޖާ ރަނގަޅުވާނެ ކަމަށް ގަބޫލުކުރައްވާ ކަމަށް ވެސް އޭނާ ވިދާޅުވިއެވެ.
އޭނާ އިތުރަށް ވިދާޅުވީ ރާއްޖޭގައި ތަފާތު ފިކުރުގެ ސަބަބުން ހިންގާ އަނިޔާވެރި އަމަލުތައް ހުއްޓުވަން ޖެހޭ ކަމަށެވެ. ރާއްޖޭގައި ހިނގާފައި ހުރި ބޮޑެތި ހާދިސާތަކާއި ހަމަލާތަކަކީ ޚިޔާލުތަފާތުވުމާއި ނަފްރަތުގެ ތެރެއިން ހިނގާފައި ހުރި ކަންތައް ކަމަށާއި އެއީ ކަންބޮޑުވެވަޑައިގަންނަވާ ކަމެއް ކަމަށް ޒަހަރިއްޔާ ވިދާޅުވިއެވެ. މިހާރު މުޅި ދުނިޔޭގައި ވެސް މިފަދަ މައްސަލަތައް ހައްލުކުރަން މަސައްކަތް ކުރަނީ ވަރަށް ގުޅިގެން އެކުއެކީގައި ކަމަށް ޒަކަރިއްޔާ ވިދާޅުވިއެވެ.
އެންސީޓީސީ އިން މަސައްކަތް ކުރަނީ ރާއްޖޭގައި ހަރުކަށި ފިކުރު ފެތުރުން ކޮންޓްރޯލްކޮށް އެފަދަ ކަމަކަށް ހުށަހެޅިދާނެ ފަދަ މީހުން ދެނެގަނެ އެފަދަ ހަމަލާތައް ހިނގުމުގެ ކުރިން އެކަންކަން ހުއްޓުވުމަށެވެ. އަދި ނިރުބަވެރި ހަމަލާތަކުން ރާއްޖެ ރައްކާތެރިކުރުމުގައި މުހިންމު ދައުރެއް އެންސީޓީސީ އިން އަދާކުރެއެވެ. ވިއަވަތި މަހާސިންތާގެ ތެރެއިން މަޝްވަރާ ކުރި އެންމެ މުހިންމު އެއް ކަމަކީ ވެސް ހަރުކަށި ފިކުރުގެ މައްސަލައެވެ.
