ރާއްޖެ
ރާއްޖޭގެ މޫސުން
ބޯކޮށް ވާރޭ ވެހޭނެކަމަށް ލަފާކޮށް މުޅި ރާއްޖެއަށް ވައިޓް އެލަރޓް ނެރެފި
ވައިޓް އެލަރޓް ނެރެފައިވަނީ މިރޭ 8:45ން 2:45ށް
އިދުހާމް ނަޢީމް, ރާއްޖެ އެމްވީ | 17 ޖުލައި 2022 | އާދީއްތަ 15:35
ސުނާމީ ބިނާ ސަރަހައްދު
މުޅި ރާއްޖެއަށް ވައިޓް އެލަރޓް ނެރެފިއެވެ.
މޫސުމާ ބެހޭ ގައުމީ އިދާރާއިން މި އެލަރޓް ނެރެފައިވަނީ މިރޭގެ 8:45ން ދަންވަރު 2:45އާ ހަމައަށެވެ.
އެ އިދާރާއިން ލަފާކުރާގޮތުގައި އެލަރޓުގެ މުއްދަތުގައި ރާއްޖެއަށް ބޯކޮށް ވާރޭވެހޭނެއެވެ. އަދި ގުރުމާއެކު ގަޑިއަކު 45 މޭލަށް ވައި ގަދަވާނެ ކަމަށްވެސް ވަނީ ލަފާކޮށްފައެވެ.
މޫސުން ކުރިއަށް ލަފާކުރާގޮތުގައި ހުޅަނގުދެކުނާއި ހުޅަނގުން ގަޑިއަކު 8 މޭލާ 18 މޭލާ ދެމެދުގެ ބާރުމިނުގައި ވައިޖެހޭނެއެވެ. އަދި ކަނޑު އާދައިގެ ވަރަކަށް ގަދަވެފައި ވިލާގަނޑުގައި ގަދަވާނެކަމަށްވެސް ވަނީ ލަފާކޮށްފައެވެ.
އެލަރޓް ނެރެފައިވާ މުއްދަތުގައި ރާއްޖޭގެ ހުރިހާ ސަރަހައްދެއްގައި ވެސް ރާޅުތައް އުފުލޭނެކަމަށް ލަފާކޮށްފައިވަނީ 3-5 ފޫޓަށެވެ.
