މިފަހަރު ވެލެންސިޔާ އަތުން މާޒިޔާއަށް ހަނި މޮޅެއް، އެއްވަނާގައި 8 ޕޮއިންޓްގެ ލީޑެއް!
މާޒިޔާ އޮތީ އަށް ޕޮއިންޓްގެ ލީޑެއްގައި
މެޗުގެ ހަމައެކަނި ގޯލްޖެހީ ކޯނޭ
ދިވެހި ޕްރިމިއަރ ލީގުގެ ތިންވަނަ ބުރުގައި ކްލަބް ވެލެންސިޔާ އަތުން ހަނި މޮޅެއް ހޯދައިގެން އެއްވަނާގައި މާޒިޔާގެ ލީޑް 8 ޕޮއިންޓަށް ފުޅާކޮށްފިއެވެ. ދެވަނަ ބުރުގައި 13 ގޯލް ޖެހި ވެލެންސިޔާ ކޮޅަށް ތިންވަނަ ބުރުގައި ޖެހުނީ 1 ގޯލެވެ.
މާޒިޔާއިން މެޗު ކާމިޔާބުކުރީ 1-0 ނެވެ. މެޗުގެ ހަމައެކަނި ލަނޑު ފުރަތަމަ ހާފްގައި ޖެހީ ކޯނޭއެވެ. ލީގުގައި ތިން ބުރުގައިވެސް މާޒިޔާއިން ވަނީ ވެލެންސިޔާ ބަލިކޮށްފައެވެ. މިމޮޅާއެކު މާޒިޔާއިން ވަނީ 16 މެޗުން 45 ޕޮއިންޓް ހަމަކޮށްފައެވެ. ދެވަނާގައި އީގަލްސް އޮތީ 15 މެޗުން 37 ޕޮއިންޓާއެކުއެވެ. އީގަލްސްއަށް ބުރާސްފަތި ދުވަހުގެރޭ އޮތީ ޔުނައިޓެޑް ވިކްޓްރީއާ ވާދަކުރާ މެޗެވެ. އެމެޗުން މޮޅުވެގެން ފަރަޤު ފަސް ޕޮއިންޓަށް ކުޑަކުރެވޭނެއެވެ. ވެެލންސިޔާ އޮތީ 16 މެޗުން 22 ޕޮއިންޓާއެކު ތިންވަނާގައެވެ. އެކަމަކު ބުރާސްފަތި ދުވަހުގެ ދެ މެޗަށްފަހު ވެލެންސިޔާއަށް ތިންވަނަ ގެއްލުމުގެ ފުރުޞަތު އެބައޮތެވެ.
ލީގުގައި ބުރާސްފަތި ދުވަހު ހަވީރު ވާދަކުރާނީ ޓީސީއާއި ދަ ގްރާންޑޭއެވެ.
