ހއ. ން ފެށިގެން ތ. އަތޮޅާ ހަމައަށް ވައިޓް އެލާޓް ނެރެފި
30 މެއި 2022 | ހޯމަ 01:49ވައިޓް އެލާޓް ނެރުނީ ހެނދުނު 6 ން 11 އަށް
ސުނާމީ ބިނާ ސަރަހައްދު
ރާއްޖޭގެ ބޮޑު ބަޔަކަށް ވައިޓް އެލާޓް ނެރެފިއެވެ.
މޫސުމާ ބެހޭ ޤައުމީ އިދާރާއިން ވައިޓް އެލާޓް ނެރެފައިވަނީ ހޯމަ ދުވަހުގެ ހެނދުނު 6:00 ން 11:00 އަށެވެ. މި އެލާޓް ނެރެފައިވަނީ ރާއްޖޭގެ އެންމެ އުތުރުން ހއ. އަތޮޅުން ފެށިގެން ތ. އަތޮޅާ ދެމެދުގެ ހުރިހާ ރަށަކަށެވެ.
އެ އިދާރާއިން ބުނި ގޮތުގައި އެލާޓް ނެރެފައިވާ ވަގުތުތަކުގައި ގުގުރުމާއެކު ބޯކޮށް ވާރޭވެހޭނެ ކަމަށް ލަފާ ކުރެވޭ ކަމަށެވެ. އަދި ވިލާގަނޑުގައި ގަޑިއަކު 40 މޭލަށް ވައިގަދަވާނެ ކަމަށް ވެސް މޫސުމާ ބެހޭ ޤައުމީ އިދާރާއިން ވަނީ ލަފާކޮށްފައެވެ.
މޫސުން ކުރިއަށް އޮތް 48 ގަޑިއިރަށް ލަފާ ކުރާ ގޮތުގައި ހއ. ން ތ. އަތޮޅާ ހަމައަށް ގުގުރުމާއެކު ވިއްސާރަ ކުރާއިރު އެހެނިހެން ހިސާބުތަކަށް ކެރީގެ އަސަރު ފޯރާނެއެވެ. އަދި ވައި ޖެހޭނީ ހުޅަނގުދެކުނާއި ހުޅަނގުން ގަޑިއަކު 8 މޭލާއި 18 މޭލާ ދެމެދުގެ ބާރުމިނުގައެވެ.
