ރާއްޖެ
މޫސުން
ރާއްޖޭގެ ބޮޑު ބަޔަކަށް ވައިޓް އެލާޓް ނެރެފި
ވައިޓް އެލާޓް ނެރެފައިވަނީ ހއ. ފެށިގެން މ. އަތޮޅާއި ހަމައަށް ހުރިހާ ރަށްތަކަށް
އިދުހާމް ނަޢީމް, ރާއްޖެ އެމްވީ | 15 މެއި 2022 | އާދީއްތަ 03:25
މޫސުން
ރާއްޖޭގެ ބޮޑު ބަޔަކަށް ވައިޓް އެލާޓް ނެރެފިއެވެ.
މޫސުމާ ބެހޭ ޤައުމީ އިދާރާއިން ވައިޓް އެލާޓް ނެރެފައިވަނީ ހއ. އަތޮޅުން ފެށިގެން މ. އަތޮޅާ ދެމެދުގެ ހުރިހާ ރަށްތަކަށެވެ.
އެ އިދާރާއިން ބުނެފައިވާ ގޮތުގައި އާދީއްތަ ދުވަހުގެ ހެނދުނު 8:15 އިން މެންދުރު 2:00 އާއި ހަމައަށް ރާއްޖޭގެ އެކި ހިސާބުތަކަށް ވިއްސާރަ ކުރާނެއެވެ. އަދި ބައެއް ރަށްތަކަށް ގަދަ ވަޔާއެކު ބޯކޮށް ވާރޭވެހުން އެކަށީގެންވާކަމަށެވެ. އަދި ގަޑިއަކު 19 މެލާއި 24 މޭލާ ދެމެދު ބާރުމިނުގައި ވައި ޖެހޭނެ ކަމަށް ލަފާ ކުރެވޭ ކަމަށާއި ކަނޑުތައް ގަދަވާނެ ކަމަށެވެ.
ކަނޑުތައް ގަދަވާނެ ކަމަށް ލަފާ ކުރެވޭތީ ކަނޑުދަތުރު ކުރާ ހުރިހާ ފަރާތްތަކުން ވެސް ސަމާލުވުމަށް މޫސުމާ ބެހޭ ޤައުމީ އިދާރާއިން އިލްތިމާސްކުރެއެވެ.
