ޔޫއޭއީގެ ރައީސް އަވަހާރަވުމާއި ގުޅިގެން ރައީސް ތައުޒިޔާ ވިދާޅުވެއްޖެ

ޔުނައިޓެޑް އަރަބް އެމިރޭޓްސްގެ ރައީސް ޝެއިޚް ޚަލީފާ ބިން ޒައިދު އަލް ނަހްޔާން އަވަހާރަވުމާއި ގުޅިގެން ރައީސުލްޖުމްހޫރިއްޔާ އިބްރާހީމް މުހައްމަދު ސާލިހް ތައުޒިޔާ ވިދާޅުވެއްޖެއެވެ.

ރައީސް ކުރެއްވި ޓުވީޓެއްގައި ވިދާޅުވީ އެ ޚަބަރު އެއްސެވީ ފުން ހިތާމަޔާއެކު ކަމަށާއި ޔޫއޭއީގެ ރައީސް އަކީ ދިވެހިރާއްޖެއާ ވަރަށް ގާތް ގުޅުމެއް ބޭއްވި ބޭފުޅެއް ކަމަށެވެ.

ޝެއިޚް ޚަލީފާ ބިން ޒައިދު އަވަހާރަވިއިރު އުމުރުފުޅަކީ 73 އަހަރެވެ. ޔޫއޭއީގެ ރަސްމީ ނޫސް އިދާރާއިން ރިޕޯޓުކޮށްފައިވާގޮތުން ރައީސް ޝެއިޚް ޚަލީފާ އަވަހާރުވުމުގެ ހިތާމައިގައި އެ ގައުމުގެ ދިދަ 40 ދުވަސް ވަންދެން ބައިދަނޑިއަށް ތިރިކުރުމަށް ވަނީ ނިންމާފައެވެ. އަދި ކުރިއަށް އޮތް 3 ދުވަހު ސަރުކާރު ބަންދުކުރުމަށްވެސް ވަނީ ނިންމާފައެވެ.

އެމަނިކުފާނު އާލާސްކަންފުޅާ އުޅުއްވަތާ އަހަރުތަކެއް ވެފައިވާކަމަށް ރިޕޯޓުތައް ބުނެއެވެ.

ރައީސް އަވަހާރަވުމުން ދެން ރައީސް ކަމަށް ވަޑައިގަންނަވާނެ ބޭފަޅުކު އަދި ކަނޑައަޅާފައެއް ނުވެއެވެ. އާލާސްކަންފުޅާ އުޅުއްވާތީ ރަސްމީ ހަރަކާތްތަކުގައި އަމަލީ ގޮތުން ބައިވެރިވެވަޑައި ނުގަންނަވާތާ އަހަރުތަކެއް ވަނީ ވެފައެވެ.

ޝެއިޚް ޚަލީފާ ރައީސް ކަމަށް ވަޑައިގެންނެވީ، ބައްޕާފުޅަށް ސްޓްރޯކެއް ޖެހިވަޑައިގެން އަވަހާރަވުމާ ގުޅިގެން 2004 ވަނަ އަހަރުއެވެ.

ދުބާއީގައި ހުންނަ ބްރުޖް ޚަލީފާއަށް ނަންދެވިފައިވަނީވެސް އެމަނިކުފާނަށް ނިސްބަތްކޮށެވެ.