މީހަކަށް ތޫނު އެއްޗަކުން ހަމަލާދީ މާރާމާރީ ހިންގަން އުޅުނު ދެ މީހަކު ހައްޔަރުކޮށްފިއެވެ.
ފުލުހުން ބުނީ މާފުށީގައި މީހަކަށް ތޫނު އެއްޗަކުން ހަމަލާ ދޭން އުޅުނު ކަމުގެ މައްސަލައެއް ހުކުރު ދުވަހުގެ ރޭ ހުށަހަޅާފައިވާ ކަމަށެވެ. އަދި އެ މައްސަލައިގައި 20 އަހަރުގެ ފިރިހެނަކާއި21 އަހަރުގެ ފިރިހެނެއް ހައްޔަރު ކޮށްފައިވާ ކަމަށް ފުލުހުން މައުލޫމާތު ދެއެވެ.
މި ދެ މީހުން ވެސް ހައްޔަރު ކޮށްފައިވަނީ މާފުށިންފުރައިގެން މާލެ އައި ތަނާހެން މާލެއިން ކަމަށް ވެސް ފުލުހުން ބުނެފައިވެއެވެ.
Advertisement
މި މައްސަލައިގައި ހައްޔަރު ކުރި ދެ މީހުންގެ ބަންދާ މެދު ގޮތެއް ނިންމުމަަށް ހޮނިހިރު ދުވަހު ކޯޓަށް ހާޒިރު ކުރުމުން ވަނީ 15 ދުވަހުގެ ބަންދުގެ މުއްދަތެއް ދީފައެވެ.
ފުލުހުން ދަނީ މި މައްސަލަ ތަހުގީގު ކުރަމުންނެވެ.
