ބިރު ދެއްކުމުގެ ކުށުގެ މައްސަލައަކާއި ގުޅިގެން ހިތަދޫ މީހަކު ހޯދަނީ

އަނިޔާއެއް ދިނުމާއި ބިރު ދެއްކުމުގެ ކުށުގެ މައްސަލައަކާއި ގުޅިގެން މީހަކު ހޯދަން ފުލުހުން އިޢުލާންކޮށްފިއެވެ.

ބަންދުގައި ބަހައްޓައިގެން ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރަކާއި ގުޅިގެން ހޯދަމުންދަނީ ސ.ހިތަދޫ / އައްޒާ، މުބާރިކް މުޙައްމަދު(31) އެވެ.

މިމައްސަލައާއި ގުޅޭ ގޮތުން ފުލުހުން ވިދާޅުވީ ހޯދަމުންދަނީ ކްރިމިނަލް ކޯޓަށް ހުށަހެޅިފައިވާ މައްސަލައަކާއި ގުޅިގެން އެކޯޓަށް ހާޒިރު ކުރަން ބޭނުންވެ ހާޒިރު ކުރެވިފައި ނުވާ މީހެއްކަމަށެވެ.

އޭނާ ބަންދުގައި ބަހައްޓައިގެން 2022 އޭޕްރީލް 5 ވަނަ ދުވަހުގެ 10:00 އަށް ކްރިމިނަލް ކޯޓަށް ހާޒިރުކޮށްދިނުމަށް ފުލުހުންގެ މައްޗަށް ކޮށްފައިވާ އަމުރާ ގުޅިގެން، ފުލުހުން ޢާއްމުކޮށްފައިވާ އިޢުލާނުގައިވަނީ، މި މީހާއާއި ބެހޭ އެއްވެސް މައުލޫމާތެއް ލިބިފައިވާ ފަރާތެއްވާނަމަ ޕޮލިސް ކަސްޓޯޑިއަލް ޑިޕާޓްމަންޓުގެ ނަންބަރު 9991442 އަށް ގުޅުއްވައި ހިއްސާކޮށްދެއްވުމަށް އެދިފައެވެ.