މިރޭ 8:00ގައި ރައީސުލްޖުމްހޫރިއްޔާ ގައުމާ މުޚާތަބު ކުރައްވަނީ
13 މާރިޗު 2022 | އާދީއްތަ 14:12ހޮސްޕިޓަލްގައި އެޑްމިޓްކޮށްގެން ފަރުވާ ދެމުން އަންނަނީ 4 މީހަކަށް
ރައީސުލްޖުމްހޫރިއްޔާ އިބްރާހީމް މުހައްމަދު ސާލިހު ނޫސްވެރިނާގެ ބައްދަލުވުމެއްގައި
މިރޭ 8:00ގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ގައުމާ މުޚާތަބު ކުރައްވަން ނިންމަވައިފިއެވެ.
ރައީސް އޮފީހުން ބުނީ ކޮވިޑް-19ގެ ހާލަތާއި، ކޮވިޑާއި ގުޅިގެން ދޭން ނިންމާފައިވާ ލުއިތައް ރައީސް ހާމަ ކުރައްވާނެ ކަމަށެވެ. މީގެ އިތުރުންވެސް ބައެއް މައުލޫމާތު ހިއްސާ ކުރައްވާނެ ކަމަށް ރައީސް އޮފީހުން މައުލޫމާތުދެއެވެ. ކޮވިޑާ ގުޅިގެން އަޅާފައިވާ ފިޔަވަޅުތަކަށް ލުއި ދޭން ނިންމާފައި މިވަނީ ދުނިޔޭގައިވެސް އަދި ރާއްޖޭގައިވެސް ކޮވިޑްގެ ހާލަތު ރަނގަޅުވެފައިވާ ދަނޑިވަޅެއްގައެވެ.
ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން ޢާއްމުކޮށްފައިވާ އެންމެފަހު ތަފާސް ހިސާބު ތަކަށް ބަލާއިރު ވޭތުވެދިޔަ 24 ގަޑިއިރުތެރޭގައި ކޯވިޑް ބައްޔަށް ޕޮޒިޓިވްވި 204 މީހުން ނެވެ. މީގެތެރެއިން ގިނަ މީހުން ޕޮޒިޓިވްވެފައި ވަނީ އަތޮޅުތަކުންނެވެ. އެއީ 171 މީހުންނެވެ. އަދި މާލެއިން 14 މީހުންނާއި ރިސޯޓުތަކުން 14 މީހުން ޕޮޒިޓިވްވެފައިވެއެވެ. މިއާއެކު ރާއްޖެއިން މި ބަލިޖެހުނު މީހުންގެ ޢަދަދު ވަނީ 174،367 އަށް އަރާފައެވެ. މިވަގުތު ހޮސްޕިޓަލްގައި އެޑްމިޓްކޮށްގެން ފަރުވާ ދެމުން އަންނަނީ 4 މީހުންނަށެވެ.
