އަންހެނުންނަށް ނިސްބަތްކޮށް "ކަނބަލުން" ނުކިޔުމަށް ރައީސް ނަޝީދު އެދިވަޑައިގަންނަވައިފި
8 މާރިޗު 2022 | އަންގާރަ 06:13އަންހެނުންނަށް ނިސްބަތްކޮށް ބޭނުންކުރާ "ކަނބަލުން" އަކީ ހުތުރު ބަހެއް
މުހައްމަދު ނަޝީދު - ރައްޔިތުންގެ މަޖިލީހުގެ ރައީސް
އަންހެނުންނަށް ނިސްބަތް ކޮށް "ކަނބަލުން" ނުކިޔުމަށް ރައްޔިތުންގެ މަޖިލީހުގެ ރައީސް މުހައްމަދު ނަޝީދު އެދިވަޑައިގަންނަވައިފި އެވެ.
ބައިނަލްއަގްވާމީ އަންހެނުންގެ ދުވަސް ފާހަގަކުރަމުން އަންނައިރު، އަންގާރަ ދުވަހު ރައްޔިތުންގެ މަޖިލީހުގެ ޖަލްސާ ފަށްޓަވަމުން ރައީސް ނަޝީީދު ވިދާޅުވީ، އަންހެނުންނަށް ނިސްބަތްކޮށް ބޭނުންކުރާ "ކަނބަލުން" އަކީ ހުތުރު ބަހެއް ކަމަށެވެ. އޭގެ ބަދަލުގައި "އަންހެނުން" ނުވަތަ "އަންހެން ބޭފުޅުން" ފަދަ ބަސްތައް ބޭނުން ކުރުމަށް ރައީސް ނަޝީދު އެދިވަޑައިގެންނެވިއެވެ. އެމަނިކުފާނު ވިދާޅުވީ ކަނބަލުންނޭ ކިޔުުމުން އެމަނިކުފާނަށް ވަރަށް ހުތުރު ކަމަށެވެ.
އެ މަނިކުފާނު ވިދާޅުވީ ލާމަރުކަޒީ ގާނޫނަށް ގެނައި އިސްލާހުގެ ދަށުން އަންހެނުންނަށް ގޮނޑި ހާއްސަ ކުރުމުން ރަށްރަށުގެ ލޯކަލް ކައުންސިލްތައް ހިންގުމުގައި އަންހެނުންގެ ބައިވެރިވުން ވަރަށް ބޮޑަށް އިތުރުވެފައިވާ ކަމަށެވެ. އަދި ރައްޔިތުންގެ މަޖިލީހުގެ މެމްބަރުންގެ ގޮތުގައި ނުކުންނަ އަންހެނުންގެ އަދަދު އިތުރުވެގެން ދިޔުމަކީވެސް ވަރަށް ބޮޑު އުންމީދެއްް ކަމަށް ރައީސް ނަޝީދު ވިދާޅުވިއެވެ.
މި އަހަރުގެ އަންހެނުންގެ ދުވަހުގެ ޝިއާރަކީ "ދެމެހެއްޓެނިވި މާދަމާއަކަށް، މިންތީގެ ހަމަހަމަކަން" މިއެވެ.
މިއީ މޫސުމީ ބަދަލުތަކުގެ ސަބަބުން ދިމާވާ ކަންކަމުން އަރައިގަތުމަށްޓަކައި، އަދި މިފަދަ ބަދަލުތަކަށް ހޭނުމަށްޓަކައި، އަންހެނުން އަދާކުރަމުންދާ ދައުރާއި، އަންހެނުންގެ ތަޖުރިބާރަތައް ދެނެގަތުމުގެ މަގްސަދުގަައި ކަނޑައަޅާފައިވާ ޝިއާރެކެވެ.
