ފޮނަދޫ މަގުހެދުމުގެ މަޝްރޫޢު ހަލުވިކަމާއިއެކު ކުރިއަށްދަނީ
މިއީ 53.9 މިލިއަން ރުފިޔާގެ މަޝްރޫއެއް
ފޮނަދޫ މަގުހެދުމުގެ މަޝްރޫޢު ކުރިއަށްދަނީ
ލ.ފޮނަދޫ މަގުހެދުހުމުގެ މަޝްރޫޢުގެ މަސައްކަތްތަށް ހަލުވިކަމާއިއެކު ކުރިއަށްދާކަމަށް މި މަޝްރޫޢު އާއި ހަވާލުވެފައިވާ ކުންފުނި، މޯލްޑިވްސް ޓްރާންސްޕޯރޓް އެންޑް ކޮންޓްރެކްޓިންގ ކޮމްޕެނީ (އެމްޓީސީސީ) އިން ހާމަކޮށްފިއެވެ.
އެމްޓީސީސީއިން ބުނި ގޮތުގައި ފޮނަދޫ މަގުހެދުމުގެ މަޝްރޫޢު (ދެވަނަ ފިޔަވަހި) ގެ ދަށުން، ދުވާރު ހެދުމުގެ މަސައްކަތް 2 މާރޗް 2022 ވަނަ ދުވަހު ވަނީ ފަށާފައިއެވެ. މި މަޝްރޫޢުގެ ދަށުން، 27،179 އަކަ މީޓަރުގެ ދުއްވާ ސަރަޙައްދެއް ޤާއިމުކުރުމުގެ އިތުރުން 10،392 އަކަ މީޓަރުގެ ސަރަޙައްދެއްގައި ދުވާރު ހެދުމުގެ މަސައްކަތް ހިމެނޭއެވެ. އަދި ފެންހިންދާ ނިޒާމެއް ޤާއިމުކުރުމާއި، މަގުބައްތި ހަރުކުރުމާއި، މަގުމަތީ ނިޝާން ހަރުކުރުމުގެ މަސައްކަތް ހިމެނޭއެވެ.
އެމްޓީސީސީއިން ބުނި ގޮތުގައި މި މަޝްރޫޢަކީ 53.9 މިލިއަން ރުފިޔާގެ މަޝްރޫއުއެކެވެ.
