މެންބަރު ޖާބިރު ހައްޔަރުކޮށްފި
ޖާބިރު ހައްޔަރުކޮށްފައިވަނީ ބުދަ ދުވަހުގެ ވަގުތެއްގައި ގދ. ތިނަދޫގައި ހުންނަވަނިކޮށް
ކާށިދޫ ދާއިރާގެ މެންބަރު އަބްދުﷲ ޖާބިރު
ކާށިދޫ ދާއިރާގެ މަޖިލިސް މެންބަރު އަބްދުﷲ ޖާބިރު ހައްޔަރުކޮށްފިއެވެ.
ރާއްޖެ އެމްވީއަށް އެނގިފައިވާ ގޮތުގައި ޖާބިރު ހައްޔަރުކޮށްފައިވަނީ ބުދަ ދުވަހުގެ ހެނދުނުގެ ވަގުތެއްގައި ގދ. ތިނަދޫގައި ހުންނަވަނިކޮށެވެ.
މައުލޫމާތު ލިބިފައިވާ ގޮތުގައި ޖާބިރު ހައްޔަރުކޮށްފައިވަނީ ސިވިލް ކޯޓުން އޭނާ ކޯޓަށް ހާޒިރުކުރަން ނެރެފައިވާ އަމުރެއް ތަންފީޒު ކުރުމުގެ ގޮތުންނެވެ. ނަމަވެސް އެއީ ކޮން މައްސަލައެއް ކަމެއް އެނގިފައެއް ނުވެއެވެ.
ސިވިލް ކޯޓުން ފުލުހުންގެ މައްޗަށް ނެރުނު އަމުރާ ގުޅިގެން ޖާބިރު ހައްޔަރުކުރައްވާފައިވާއިރު، އެ ކޯޓަށް ހުށަހެޅޭ މައްސަލަތަކުގައި ހިމެނޭ ފަރާތްތައް ކޯޓަށް ހާޒިރުވާން އެންގުމަށްފަހު އެ އަމުރަށް ތަބާ ނުވާނަމަ، ފުލުހުން މެދުވެރިކޮށް ކޯޓަށް ހާޒިރުކޮށްދިނުމަށް އެދި ފުލުހުންގެ މައްޗަށް އަމުރު ނެރެއެވެ. އަދި ބައެއް ހާލަތްތަކުގައި ފުލުހުން އެ ފަރާތްތަކުގެ ފޮޓޯއާއި މައުލޫމާތު ވެސް އާންމު ކުރެއެވެ.
