ކޮމެޓީ މަރުހަލާގައި 32 ބިލެއް، ކޮމިޓީ މަސައްކަތުގެ ސްޕީޑް އަވަސްކުރަން ޖެހޭ – އީވާ
މިވަގުތު ކޮމިޓީތަކުގައި 32 ބިލެއް އެބައޮތް
އީވާ އަބްދުﷲ - ރައްޔިތުންގެ މަޖިލީހުގެ ނައިބު ރައީސް
މިއަދުގެ މަޖިލީހުގެ ޖަލްސާއިން ހެއްކާބެހޭ ބިލް ފާސްވުމާ ގުޅިގެން، މިވަގުތު ކޮމިޓީތަކުގައި 32 ބިލެއް އެބައޮތް ކަމަށާއި، މި ބިލްތައް މި އަންނަ ނޮވެމްބަރު މަހުގެ ނިޔަލަށް ފާސްކުރަންޖެހޭކަމަށް ރައްޔިތުން މަޖިލީހުގެ ނާއިބު ރައީސް ވިދާޅުވެއްޖެއެވެ.
މި ބިލްތަކުގެ ތެރޭގައި ވަރަށް މުހިއްމު ބިލްތަކެއް ވެސް ހިމެނޭކަމަށް އީވާ ވިދާޅުވިއެވެ. އަދި މަޖިލީހުގެ މި ދައުރުގެ ގާނޫނީ އެޖެންޑާގެ ގޮތުގައި ސަރުކާރުން ފޮނުވަން ހުރި ބިލްތައް އަދި މަޖިލީހުގެ ތަޅުމަށް އަދި ލިބުން އޮތީކަމަށާއި، އެހެންކަމުން ކޮމިޓީގެ މަސައްކަތްތައް އަވަސްކޮށްދިނުމަށް ކޮމިޓީތަކުގެ މުގައްރިރުންނާއި ކޮމިޓީތަކުގެ މެމްބަރުންގެ ކިބައިން އީވާ އެދިވަޑައިގެންނެވިއެވެ.
އަދި މުހިއްމު އެހެން މަސައްކަތެއް ނެތްނަމަ، އަންނަ ބުދަ ދުވަހު ބާއްވަން ހަމަޖެހިފައިވާ މަޖިލީހުގެ ޖަލްސާ ހެނދުނު ފެށުމަށްފަހު ކޮމިޓީ ވަގުތުގެ ގޮތުގައި އެދުވަސް ކަނޑައަޅަން ކަމަށް ވެސް އީވާ ވިދާޅުވިއެވެ.
