ބުދަ ދުވަހަކީ އިންޑިއާއިން މި ފަހަކަށް އައިސް, ކޮވިޑްގެ ކޭސްތަކާއި ބަލީގައި މަރުވި މީހުންގެ ކޭސްތަކުގެ އަދަދު އެންމެ ދަށް ދުވަސް ކަމަށް އިންޑިއާގެ ސިއްހަތާބެހޭ ވުޒާރާއިން ބުނެފިއެވެ.
އިންޑިއާގެ ސިއްހަތާބެހޭ ވުޒާރާއިން ބުނީ މާޗް މަހަށްފަހު ޕޮޒިޓިވް ކޭސްތަކުގެ އަދަދު ދުވަހެއް ދުވަހަކަށް މައްޗަށް ދިޔަ ނަމަވެސް ބުދަ ދުވަހު ވަނީ ކޭސްތަކުގެ އަދަދު ވަރަށް ބޮޑުތަން ދަށްވެފައި ކަމަށެވެ. ހަމައެހެންމެ ބަލީގައި މަރުވި މީހުންގެ އަދަދު ވެސް ވަނީ މަދުވެފައެވެ.
އިންޑިއާއިން ފާއިތުވެދިޔަ 24 ގަޑިއިރު ތެރޭގައި ބައްޔަށް ޕޮޒިޓިވްވެފައިވަނީ 18،870 މީހުންނެވެ. އަދި މި ބަލީގައި މަރުވެފައިވަނީ 378 މީހުންނެވެ.
ޕޮޒިޓިވްވާ އަދަދު ދަށްވާން ފެށުމުން އިންޑިއާގެ ސިއްހީ އޮފިޝަލުން ވަނީ މިއީ އުފާވެރި ޚަބަރެއްކަމަށް ބުނެފައެވެ. އަދި ކުރިޔަށް އޮތީ ބަލި ކޮންޓްރޯލް ކުރުމަށް ކުރަން ޖެހޭ މަސައްކަތްތައް ކަމަށް ސިއްހީ އޮފިޝަލުން ބުނެއެވެ.
ކޮވިޑް ކޮންޓްރޯލްނުވެ ގިނަ ދުވަސްތަކެއް ވެފައިވާއިރު، އިންޑިއާއިން އޮކްސިޖަން ހުސްވެ, ބޭރު ގައުމުތަކުގެ އެހީއަށް ވެސް އެދެން ޖެހުނެއެވެ. އެހެންނަމަވެސް މި މަހުގެ ކުރީކޮޅުން ފެށިގެން އިންޑިއާއިން ކޮވިޑަށް ޕޮޒިޓިވްވާ މީހުންގެ އަދަދު ކޮންމެވެސް ވަރަކަށް ކޮންޓްރޯލް ވެފައިވާ ކަމަށް އެގައުމުގެ ސިއްހީ ވުޒާރާއިން ބުނެއެވެ.
