ކުއްޖަކަށް ޖިންސީ ގޯނާ ކުރި ކަމުގެ ތުހުމަތުގައި ޓީޗަރަކު ސަސްޕެންޑުކޮށްފި
މިމައްސަލަ ހުށަހަޅާފައިވަނީ އޮގަސްޓް މަހުގެ 23ގައި
ޖިންސީ ގޯނާއާ ދެކޮޅަށް ކުރި މުޒާހަރާއެއްގެ ތެރެއިން
ހުވަދުއަތޮޅުގެ ރަށެއްގައި ކުޑަކުއްޖަކަށް ޖިންސީ ގޯނާ ކުރި ކަމުގެ ތުހުމަތުގައި އެރަށު ސްކޫލް ޓީޗަރަކު ސަސްޕެންޑުކޮށްފިއެވެ.
އެޑިއުކޭޝަން މިނިސްޓްރީން ބުނީ އެމައްސަލަ ސަމާލުކަމަށް އައިސްފައިވާ ކަމަށާއި، އެ މައްސަލާގެ އިދާރީ ތަހުގީގު ހިންގަމުން އަންނަ ކަމަށެވެ.
މައުލޫމާތު ލިބޭ ގޮތުގައި ސަސްޕެންޑްކޮށްފައިވަނީ އެރަށު ސްކޫލުގައި ކިޔަވައިދޭ އިންޑިއާ ޓީޗަރެކެވެ. އަދި އަނިޔާ ލިބިފައިވަނީ އެރަށު ސްކޫލުން ގްރޭޑް 10 ނިމިފައި ހުރި 17 އަހަރުގެ ކުއްޖަކަށެވެ.
މިމައްސަލައާ ގުޅިގެން ފުލުހުން ބުނީ ހުވަދު އަތޮޅުގެ ރަށެއްގައި 17 އަހަރުގެ އަންހެން ކުއްޖަކަށް ޖިންސީ ގޯނާ ކުރި މައްސަލައެއް އޮގަސްޓް މަހުގެ 23 ވަނަ ދުވަހު ފުލުހުންނަށް ހުށަހަޅާފައިވާ ކަމަށެވެ.
މިމައްސަލަ ފުލުހުން ދަނީ އިތުރަށް ތަހުގީގު ކުރަމުންނެވެ.
