ސްޓެލްކޯގެ ބައެއް ޚިދުމަތްތައް މާލެއިން ބޭރުކުރަން ޖެހިދާނެ: ޑރ. މުއިއްޒު
28 އޯގަސްޓު 2021 | ހޮނިހިރު 04:53މާލެއިން ބޭރުންވެސް ސްޓެލްކޯއަށް ޚިދުމަތް ދެވޭނެ
މާލޭގެ މޭޔަރ ޑރ. މުހައްމަދު މުއިއްޒު
ސްޓެލްކޯގެ ބައެއް ޚިދުމަތްތައް މާލެއިން ބޭރަށް ބަދަލުކުރަންޖެހިދާނެ ކަމަށް މާލޭގެ މޭޔަރ ޑރ. މުހައްމަދު މުއިއްޒު ވިދާޅުވެއްޖެއެވެ.
ޑރ. މުއިއްޒު މިހެން ވިދާޅުވީ ބުދަ ދުވަހު ބޭއްވި މާލޭ ސިޓީ ކައުންސިލްގެ 4 ވަނަ ދައުރުގެ 15 ވަނަ ރަސްމީ އާއްމު ޖަލްސާއަށް ފަހު ނޫސްވެރިންނާ ބައްދަލުކުރައްވަމުންނެވެ. ޑރ. މުއިއްޒު ވިދާޅުވީ ސްޓެލްކޯ 200 ފޫޓު ދުރަށް ޖެއްސުމުގެ މަޝްވަރާތައް ސްޓެލްކޯއާއެކު ފައްޓަވާނެކަމަށެވެ. މިކަމަކީ އެއް ދުވަހުން ކުރެވޭނެ ކަމެއް ނޫންކަމަށް ވެސް ވިދާޅުވިއެވެ.
ޑރ. މުއިއްޒު ވިދާޅުވީ ގާނޫނުގައި ބުނާ ގޮތުން ނަމަ ކައުންސިލްގެ އިހްތިސާސްގެ ސަރަހައްދުގައި ފެނާއި ކަރަންޓާއި ނަރުދަމާގެ ޚިދުމަތް ދޭންވާނީ ކައުންސިލުންނެވެ. އަދި ތިންވަނަ ފަރާތަކުން ޚިދުމަތް ދޭނަމަ ކައުންސިލާއެކު އެކަމުގެ އެއްބަސްވުމެއް ހަދަން ޖެހޭނެއެވެ. އެހެންކަމުން އެއްބަސްވުން ހެދުމުގެ މަސައްކަތް ކުރިއަށް ގެންދިއުމަށް ފަންނީ ގޮތުން މަސައްކަތް ކޮށްދޭނެ ފަރާތެއް ހޯދުމަށް މިހާރު ކައުންސިލުން ވަނީ އިއުލާނުކޮށްފައި ކަމަށް ޑރ. މުއިއްޒު ވިދާޅުވިއެވެ.
މިކަން ނިމުމުން ސްޓެލްކޯއާއެކު އެއްބަސްވުން ހަދާނެ ކަމަށާއި، މިކަންކަން ކުރެވިގެންދާއިރު ސްޓެލްކޯ 200 ފޫޓު ދުރަށް ޖެއްސުމުގެ މަޝްވަރާތައް ފަށާނެކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ މި މަސައްކަތުގެ ދަށުން ސްޓެލްކޯގެ ބައެއް ޚިދުމަތްތައް މާލެއިން ބޭރަށް ވެސް ދާންޖެހިދާނެކަމަށެވެ. ގްރޭޓަރ މާލޭ ސަޙައްދު ގުޅާލާއިރު ކަރަންޓްގެ ޚިދުމަތް ދިނުން އެހެން ތަނެއްގައި ހުރިކަމުގައި ވިއަސް ޚިދުތް ދެވޭނެކަމަށް ވިދާޅުވިއެވެ.
