ބުރާސްފަތި ދުވަހު އަތޮޅުތެރެއިން ކޮވިޑަށް ޕޮޒިޓިވްވި މީހުންގެ އަދަދު 59ށް އަރައިފިއެވެ.

ހެލްތް ޕްރޮޓެކްޝަން އެޖެންސީ (އެޗްޕީއޭ)އިން އާންމުންކޮށްފައިވާ ތަފާސްހިސާބުތައް ދައްކާގޮތުން, ބުރާސްފަތި ދުވަހު ޕޮޒިޓިވްވެފައިވަނީ 108 މީހުންނެވެ. މިއާއެކު ރާއްޖެއިން ޕޮޒިޓިވްވި މީހުންގެ އަދަދު ވަނީ 80،436ށް އަރާފައެވެ.

ބުރާސްފަތި ދުވަހު ޕޮޒިޓިވްވި 108 މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 35 މީހުންނާއި، ރަށްރަށުން ޕޮޒިޓިވްވި 59 މީހުންނާއި ރިސޯޓްތަކުން ޕޮޒިޓިވްވި 14 މީހުންނެވެ. ބުދަ ދުވަހުގެ އިރުއޮއްސި 6:00ން ބުރާސްފަތި ދުވަހުގެ އިރުއޮއްސި 6:00ށް 5681 ސާމްޕަލް ނަގާފައިވެއެވެ.

އެކްޓިވް ކޭހުގެ ގޮތުގައި ރިޕޯޓްކޮށްފައިވަނީ 1684 ކޭހެވެ. މީގެ ތެރެއިން 10 މީހުންނަށް ފަރުވާ ދެމުން އަންނަނީ ހޮސްޕިޓަލްތަކުގައެވެ. 78،514 މީހަކު މިހާތަނަށް ބަލިން ރަގަޅުވެފައިވާ އިރު، ބަލި ޖެހިގެން ނިޔާވީ ޖުމްލަ 225 މީހުންނެވެ.

ކޮވިޑްގެ ހަތަރު ވަނަ ރާޅަށް ފަހު ރާއްޖޭގައި މިހާރު ކޮވިޑްގެ ހާލަތު އަންނަނީ ރަނގަޅުވަމުންނެވެ. މިއާއެކު ކޮވިޑު ފެތުރުން ކޮންޓްރޯލްކުރުމަށް އަޅާފައިވާ ފިޔަވަޅުތަކަށް ވަނީ ލުއި ދީފައެވެ. ނަމަވެސް ވައިރަހުން ރައްކާތެރިވުމަށް އަޅަންޖެހޭ ފިޔަވަޅުތަކަށް ސަމާލުވުވުމަށް އެޗްޕީއޭއިން ވަނީ އިލްތިމާސްކޮށްފައެވެ.