އައްޑޫ ސިޓީގެ ހުޅުދޫގައި ''ދޮންއުނބަރާ ނައިޓް'' ގެ ނަމުގައި ޚާއްސަ މިއުޒިކް ޝޯވއެއް ބާއްވަން ނިންމައިފިއެވެ.
މިޝޯވ އިންތިޒާމް ކުރުމުގައި އިސްކޮށް ހަރަކާތްތެރިވާ އައިމިނަތު ޝަހުދާ ބުނީ މިޝޯވއަކީ މުޅި އައްޑޫގެ ރައްޔިތުންނަށް ޚާއްސަކޮށްގެން ބާއްވާ ހަރަކާތެއް ކަމަށެވެ.
މިޝޯވގައި ރައްޔިތުން އެދޭފަދަ ހުށަހެޅުން ތަކެއް ފެނިގެންދާނެ ކަމަށް ޝަހުދާ ބުންޏެވެ. ޝޯވ ހުށަހަޅައިދޭނީ މިހާރު ވެސް ރާއްޖޭގެ މަޝްހޫރު ފަންނާނުން ކަމަށްވާ ޝަލަބީ, ޝިފާ، ޑެވިން އަދި ޓޯއީ އެވެ.
ޝަހުދާ ބުނީ މިޝޯވގެ އެންމެހައި ކަންކަން އިންތިޒާމް ކުރަނީ ރައްޔިތުންނަށް ފަސޭހަވާނެ ގޮތަށް ބެލުމަށްފަހުގައި ކަމަށެވެ. އަދި މިދަނޑިވަޅަކީ ބޮޑު ބަންދެއްގައި ތިބުމަށްފަހު ލުއި ލިބުމާއެކު ރައްޔިތުންނަށް އުފާވެރި މާހައުލެއް ބޭނުންވެފައިވާ ދަނޑިވަޅެއް ކަމަށެވެ.
މޮނިޓަރިންގެ ހާލަތުން ނެގީ ހުޅުދޫ އަވަށް ނެގީ ވަރަށް ފަހުންކަން ފާހަގަކޮށް ޝަހުދާ ބުނީ, ޝޯވގެ ހުރިހާ އިންތިޒާމުތަކެއް ކުރިއަށް ގެންދާނީ ހެލްތު ޕްރޮޓެކްޝަން އެޖެންސީ (އެޗްޕީއޭ)ގެ ގައިޑްލައިނާ އެއްގޮތަށް ކަމަށެވެ. އަދި ޝޯވއަށް އަންނަ ހުރިހާ މީހުން ވެސް ބަލިން ރައްކާތެރިވުމަށް ހިފަހައްޓަންޖެހޭ އުސޫލުތަކާ އެއްގޮތަށް އަމަލު ކުރުމަށް ޝަހުދާ ވަނީ އިލްތިމާސްކޮށްފައެވެ.
ހުކުރު ދުވަހުގެ ރޭ ހުޅުދޫގެ ބޮމާފަންނު ސަރަހައްދުގައި ރޭގަނޑު 8:30ގައި ފަށާ މި ޝޯވއަށް ގިނަ ބަޔަކު ދާނެ ކަމަށް ބެލެވެއެވެ.
