މާއޮއިސްޓް ހަނގުރާމަވެރިންގެ 16 މީހުން މަރާލައިފިކަމަށް އިންޑިއާ ފުލުހުން ބުނެފި

އިންޑިއާގެ މެދުތެރޭގެ ސްޓޭޓެއް ކަމަށްވާ ޗައްތީސްގަރްގައި މާއޮއިސްޓުންގެ 16 ހަނގުރާމަވެރިއަކު މަރާލައިފިކަމަށް އިންޑިއާގެ ފުލުހުން ބުނެފިއެވެ.

އެންޓި މާއޮއިސްޓް ފޯސްގެ އެ ސްޓޭޓްގެ ވެރިޔާ ޑެޕިއުޓީ މިނިސްޓަރ އަވާސްތީ އޭއެފްޕީގައި ވިދާޅުވީ އެކަން ހިނގާފައިވަނީ ބަޖްޕޫރް ޑިސްޓްރިކްޓްގައި ކަމަށެވެ. އެ ސަރަހައްދަކީ މާއޮއިސްޓުންގެ ހަމަލާތައް އާއްމުކޮށް ހިނގާތާ އެތައް އަހަރެއްވެފައިވާ ސަރަހައްދެކެވެ.

މިދިއަ މަހު ހަނގުރާމަވެރިން ވަނީ ސަލާމަތީބާރުތަކުގެ 24 މީހުން މަރާލާފައެވެ.

މާއޮއިސްޓުން ބުނާ ގޮތުގައި އެމީހުން ހަނގުރާމަކުރަމުންދަނީ ކޮމިއުނިސްޓް ވެރިކަމެއް ގާއިމްކުރުމަށާއި ރަށްފުށުގެ މީހުންނާއި ހައްގުތައް ފަގީރު ސަރަހައްދުތަކުގެ މީހުންގެ ހައްގުތައް ހޯދައިދިނުމަށްކަމަށެވެ.

ބައެއް މީޑިއާ ރިޕޯޓްތައް ބުނާގޮތުގައި ހަނގުރާމަވެރިން މަރާލާފައިވަނީ ވަކި ވަކިން ހިންގި ދެ އޮޕަރޭޝަނެއްގައެވެ.

މި އޮޕަރޭޝން ހިންގި ސީދާ ވަގުތާބެހޭ ތަފްސީލެއް ފުލުހުން ނުދެއެވެ.

މި ހަމަނުޖެހުންތައް ހިނގާފައި މިވަނީ ހަނގުރާމަވެރިން މިދިއަ މަހު ދިން ހަމަލާތަކަށްފަހު ހަނގުރާމަވެރިންނާ ދެކޮޅަށް ވަރުގަދަ ފިޔަވަޅުތަކެއް އަޅާނެކަމަށް އިންޑިއާގެ ސަރުކާރުން ވައުދުވެފައިވަނިކޮށެވެ.