ކ. މާލެ
|
15 ޖޫން 2021 | އަންގާރަ 23:52
ކޮވިޑްއަށް ޓެސްޓު ކުރުމަށް ސާމްޕަލް ނެގުން
ކޮވިޑްއަށް ޓެސްޓު ކުރުމަށް ސާމްޕަލް ނެގުން
ރާއްޖެއެމްވީ
ކޮވިޑް 19، ރާއްޖޭގެ ހާލަތު
އަންގާރަ ދުވަހު 224 މީހުން ކޮވިޑަށް ޕޮޒިޓިވް ވެއްޖެ
 
މާލެ ސަރަހައްދުން 111 މީހުން ޕޮޒިޓިވެފައިވާއިރު އަތޮޅުތެރޭން ޕޮޒިޓިވްވީ 10 މީހުން

ހެލްތު ޕްރޮޓެކްޝަން އޭޖެންސީ (އެޗްޕީއޭ)އިން އާންމުކޮށްފައިވާ ތަފާސްހިސާބުތަކަށް ބަލާއިރު ހޯމަ ދުވަހުގެ އިރުއޮއްސި 6:00ން އަންގާރަ ދުވަހުގެ އިރުއޮއްސި 6:00އާ ހަމައަށް ނެގި 4،644 ސާމްޕަލްގެ ތެރެއިން ޕޮޒިޓިވްވެފައިވަނީ 224 މީހުންނެވެ.

ޕޮޒިޓިވްވި މީހުންގެ ތެރޭގައި ހިމެނެނީ މާލެ ސަރަހައްދުން ޕޮޒިޓިވްވި 111 މީހުންނާއި، ރަށްރަށުން ޕޮޒިޓިވްވި 105 މީހުންނެވެ. މީގެއިތުރުން ރިސޯޓްތަކުން 8 މީހަކު ބައްޔަށް ޕޮޒިޓިވްވެފައި ވެއެވެ.

މި އަދަދާއެކު މިހާތަނަށް ރާއްޖޭން ޖުމްލަ 70،897 މީހަކު ވަނީ ކޮވިޑަށް ޕޮޒިޓިވްވެފައެވެ. އަދި އަންގާރަ ދުވަހު 772 މީހަކު ބަލިން ރަނގަޅުވި އިރު، މިހާތަނަށް ރަނގަޅުވީ މީހުންގެ ޖުމްލަ އަދަދު މިވަނީ 62،533 އަށް އަރާފައެވެ.

އެކްޓިވް ކޭސްގެ ގޮތުގައި ހިމެނެނީ 8،155 މީހުންނެވެ. މީގެ ތެރެއިން 79 މީހަކަށް އެޑްމިޓް ކޮށްގެން ދަނީ ފަރުވާ ދެމުންނެވެ. މި ބަލީގައި މިހާތަނަށް 198 މީހަކު ވަނީ ނިޔާވެފައެވެ.

ރާއްޖޭގައި ކޮވިޑްގެ ހާލަތު އެންމެ ގޯސްވާން ފަށާފައިވަނީ މިދިޔަ މެއިމަހުގެ ތެރޭގައެވެ. އެއާއެކު ސަރުކާރުން އެޅި ހަރުކަށި ފިޔަވަޅުތަކަށްފަހު ކޭސްތައް މިހާރު ވަނީ މަދުވާން ފަށާފައެވެ. ކޭސްތައް މަދުވާން ފެށުމާއެކު، ސަރުކާރުން ވަނީ ބައެއް ފިޔަވަޅުތަކަށް ލުއިދޭންފަށާފައެވެ.

އެންމެ ފަހުން އަޕްޑޭޓް ކުރީ: 2 ހަފްތާ ކުރިން
ރިވިއު ކުރީ: އައިޝަތު ރިޔާޒް
0%
0%
0%
0%
0%
0%
ކޮމެންޓް